梁敏儀和年輕 6歲的沈震軒床上慾戰，爆粗激嘴樣樣玩齊，而且講到明要夠爆。
探熱針
古惑仔加料 36歲梁敏儀剝清自揸
隱退兩年
自從○九年露兩點拍完藝術三級片《安非他命》，梁敏儀便半退出娛樂圈轉賣美容產品，經歷兩年 OL生活，請假返內地登台賺外快有掣肘，決定的起心肝，重回電影圈。
上次拍三級片有機會參加柏林影展行紅地氈，講過唔會再露的梁敏儀，終於守唔到寡。復出接拍前經理人王晶監製的新版古惑仔，對白及露肉程度去得更盡，全裸色誘羅仲謙叫對方「試吓我手勢」外，更有一幕大膽剝清三級自揸床戲。
梁敏儀坦言，考慮了兩個月才決定接。「接呢個角色係希望幫到事業發展，我呢兩年一直有 喺內地做騷，呢部戲雖然未上，但國內已經有好多人因為古惑仔而搵我登台，而家排到農曆年。最緊要係我同男朋友商量過，佢亦支持我 嘅決定。」
再剝的梁敏儀，拍攝自揸場面，極度重口味。
在戲中飾演阿嫂的梁敏儀，同沈震軒有床戰外，亦有在泳池色誘羅仲謙，上水時，又玩全裸騷 34C身材。
《古惑仔：江湖新秩序》，除了一班新進「古惑仔」外，老牌演員也出力不少，單立文做大佬，連潘源良亦客串一角。
王晶回歸港產片市場，這部以黑社會為題材的電影，將無緣在國內上映。
新版「古惑仔」未出街已被網民狠批，似做「鴨」多過行「蠱惑」。王晶在微博反駁網民新版是給年輕人看。
拍足五粒鐘
據知，這場三級床戲在電影會出現二十秒，梁敏儀、沈震軒清場拍了五個鐘，其間因男方不時用手遮擋了梁敏儀的重要部位，結果被親自落場執導的王晶叫停，落柯打要去到盡，唔激唔收貨。
「我知道晶哥要求 嘅尺度去到邊。○九年拍《安非他命》都係三級，但 嗰場戲純粹表達愛 嘅感覺，呢套就好唔同，因為𡃁坤好喪，佢勾二嫂，所以兩個人 嘅床戲一定要夠癲夠狂。我哋之前完全唔認識對方，開咗工幾日就埋位拍床戲，都有壓力，好彩佢（沈震軒）唔係口花花嗰種人，淨係睇劇本，我覺得佢好專業。不過正式 roll機前，我哋都飲咗三支香檳先埋位。」梁敏儀說。
曾與劉羽琦在《喜愛夜蒲 2》拍過街頭野戰的沈震軒，拍情慾場面經驗亦豐富。「今次床戰 嘅肢體動作激烈過上次好多，因為要表現我哋兩個都係好喪好癲，臨尾仲要講好多粗口，意識上去得好盡，同《喜 2》好唔同。」沈震軒說。
戲中「𡃁坤」一角當年由吳鎮宇飾演，珠玉在前，沈震軒承認壓力不輕。「我拍完先睇番吳鎮宇 嘅『𡃁坤』，否則一定會俾佢影響，今次我自己加咗啲新 嘅設計，晶哥都肯接受。」
沈震軒和梁敏儀拍床戲前，一直保持距離，以免太熟絡影響床戲效果。
怕慣床戲的沈震軒，上次對手是國產 Baby劉羽琦，今次則是大他六年的梁敏儀，愈來愈重口味。
梁烈唯在戲中重演謝天華的「大天二」，表現大受王晶賞識。
09年梁敏儀演出三級片《安非他命》，盛裝打扮出席當年的香港國際電影節。
莊思敏與梁敏儀再度合作，不過人工僭建胸部的莊思敏，今次無機會晒身材，以中性打扮演同性戀者。
08年梁敏儀和莊思敏合作《我老婆係賭聖》，當年莊思敏仍是模特兒身材，高瘦平。
去到盡
放棄國內市場的新版《古惑仔》，王晶由劇情以至對白均去盡，粗口滿天飛外，劈友劈到見腸，又加插大膽激情床戲，幾重口味都有。
狂斬
戲中飾演大佬 B的黃貫中，被仇家起腳踢肚追斬，以一敵八的他，最後慘死成身血。 
火燒
沈震軒飾演的𡃁坤拍了兩個慘死版本，一個俾刀 劏爆肚，另一版本俾羅仲謙用火燒死，邊個版本出街都同樣血腥。 
踢小震軒
高登人氣爆燈的講波佬黃興桂，在戲中飾演牧師，除自動波加插抵死金句外，更有幕出盡力兜腳踢沈震軒下體。 
留言列表
