o靚模許穎（Phoebe）和港姐出身的袁嘉敏（Candy）因為幫一套日本卡通片《神秘之法》做配音，各有各話自己是「女主角」而爆發罵戰！
罵戰開始於早前Phoebe出席宣傳活動時，強調自己是女主角，而同為片中聲演女主角「織女星公主希搭」的袁嘉敏就對Phoebe認做女主角一事大表不滿，她接受傳媒訪問時，就說：「叫佢搞清楚先好啦！佢只係演我個角色嘅其中一段！」至日前二人一起為該片到旺角街頭宣傳時，袁嘉敏一見到着住小背心短裙的Phoebe，即面露不悅色，被記者要求兩人合照時更加係不情不願。記者問到二人是否不和？Phoebe即笑言：「我冇喎，人哋Candy姐係大明星，我只不過係個o靚模仔！」擺明暗寸袁嘉敏扮大星，袁嘉敏即怒火中燒，寸爆咁回敬對方：「直程係好笑囉，話自己係主角。我個角色由頭做到落尾兩個鐘！佢就只係得三十幾句對白！」之後袁嘉敏咬住唔放咁追問Phoebe：「咁你即係唔認自己講錯嘢啦？」Phoebe雖畀袁嘉敏追逼，但她就堅持地說：「我從來唔會講錯嘢嘅！」之後記者要求二人合照，Phoebe表示無所謂，但袁嘉敏就拒絕，踩多兩句地說：「唔好嘞，等過咗世界末日睇吓有無事先啦！其實我都唔想影合照嘅，可唔可以用電腦執走我呀？」
袁嘉敏於微博留言，寸有人層次低，疑似寸爆認自己是女主角的Phoebe。
袁嘉敏和Phoebe為同日本卡通片《神秘之法》做配音，鬧出雙胞女主角。
Phoebe於微博上和宣傳活動上，多次強調自己是女主角。
全站熱搜
留言列表
