插圖： Wendy
揞名爆
「唯一」探阿媽為𥄫女
2012年11月30日 ~~ 第905期 忽然１周
大家周不時見到城中名人「唯一」同阿媽去飲茶，好鬼孝順！但你又知唔知佢原來都好鍾意親身去探阿媽，仲要揀佢老人家同一班靚太打牌嗰時去㖭。
話說「唯一媽」係好鍾意打台灣牌嘅，但只係打 2蚊 1番，所以啲闊太都唔多想同佢打。不過佢哋又驚咗「唯一」，所以只好迫住去應酬吓，然後扮輸扮無癮趕住走。
之但係，每每喺大家好想走嘅時候，「唯一」就好似夾時間咁拖女友嚟探阿媽嘞喎！仲會好唔客氣去 𥄫啲闊太，仲要係由頭頂望到落腳趾尾嗰種。你話啲阿太就算靚極都幾十歲，有乜好睇？錯嘞，有錢人梗係娶嫩妻啦！所以「唯一媽」唔少麻雀腳都樣靚身材正，有好幾次「唯一」望到眼定定，搞到身邊嘅正印女友黑晒面㖭。唉，男人！ 
全站熱搜
留言列表
