句句金
句句金
杜汶澤未能贏得金馬獎最佳男主角、男配角獎，心情難免失落，不過佢好快回復搞笑本色，仲喺 facebook留言：
經理人 Mani批准我召妓發洩，我覺得我簽啱經理人。
Mani批准啫，有冇問過杜太太呀？
佢真係唔識寫個「死」字。
田蕊妮
你夠膽就去召！
（設計對白） 
甄子丹出席時尚雜誌派對，大讚太太有衣着品味又要求高，
唔係咁隨便可以企喺佢（詩詩）隔籬一齊影相，要氣勢好夠高先得。
呀唓，邊個成日企係詩詩隔籬影相呀？兜咁大個圈都係讚自己！ 
劉青雲首度封金馬影帝，問佢仲想要咩獎？佢謙虛答道：
去得邊度就邊度，瞓醒又做番普通人啦。
有道理，不過獎冇人嫌多嘅。下一波，做康城影帝啦。 
贏得金馬「最佳動作設計」獎嘅錢嘉樂最近結婚生 B，問到鄭伊健會否仿效好友？佢答：
我不嬲都好，人要知足。
咁又係。由當初避而不談，到依家有風聲話會結婚，對伊健嚟講，好大進步。媽咪姐同蒙嘉慧係應該要知足。 
近日 TVB公布《萬千星輝頒獎禮》提名名單，未能憑《大太監》獲得任何提名嘅曹永廉自言好失望，但心情已平復，
唔想大人大姐去求獎返嚟！
唔係你求就有！獎項背後，其實好多政治、人事因素，媽咪姐惟有祝阿廉一句：下年再努力。 
全站熱搜
留言列表
