當年今周
靚靚變靚啲
今年龍媽媽特別多，係人都知做媽媽唔容易，四百萬成本一件（依家可能唔止），仲要犧牲美好身材。
望下 2006年 11月中第 589期《忽周》，當時靚靚臨盆在即，個肚籮咁大，面又腫又走樣。要執番今時今日嘅靚樣，相信靚靚下咗唔少工夫。
不過冇辦法啦，鬼叫減肥係女人嘅終生事業咩。尤其佢有個又靚仔又有女人緣嘅老公張智霖（ Chilam），唔 keep好啲，唔扮靚啲，點留得住老公心？呢，早前之嘛，就傳出 Chilam同陳法拉拍攝《衝上雲霄 2》時玩得過分親密。睇嚟靚靚除咗準備掃狐，仲係時候再執靚啲個樣，勾番老公個心。
張智霖之前拍《十月初五的月光》，被指暗中撻着佘詩曼（左圖）。如今《衝上雲霄 2》亦同陳法拉傳緋聞（上圖），拍親劇都出事，睇嚟靚靚要看緊啲。
檔案編號第 589期
日期： 10/11/2006
大肚脹爆
靚靚 2001年同 Chilam喺美國註冊結婚， 2006年臨盆在即，被影得面腫鼻圓，一副圓潤好福相。
當時靚靚成嚿椒鹽雞翼吞晒落肚，胃口相當大，結果不負眾望誕下 8磅肥 B張慕童。
依家靚番
嘩！唔睇番都唔知你咁好福氣。﹙設計對白﹚
依家咪 fit番囉，仲講！﹙設計對白﹚
靚靚生完仔都 6年，面容尖番亦減磅不少，不過始終有少少肥，如果減埋就 very good嘞。 
靚靚同張智霖各有各忙，平日都盡量抽時間陪囝囝，都算圈中模範家庭。 
全站熱搜
留言列表
