李彩華 扮 闊太 磨爛蓆 試袋
【今日我至照】女人買靚袋你估真係用嚟裝嘢咩，如果係嘅話紅白藍就實好賣啦！事實係要靚，所以李彩華孭住個Birkin袋自然要左照右照，不過一照就照足5分鐘，真係360度都俾佢睇晒。
【銅鑼灣】仁美清敍主席47歲嘅羅霖近日是非纏身，先係佢同結咗婚17年嘅劉坤銘分居，又俾人影到佢喺內地同一名後生仔一齊嘅相，羅霖當然誓神劈願冇嘢。早前又爆出佢幫李彩華合作做經理人，最後都搞到分手收場。不過依然無損羅霖同李彩華換季shopping嘅心情。
羅霖大手入貨
前日羅霖仲帶埋個外籍傭工去咗銅鑼灣名店掃貨，下晝5點鐘左右戴住墨鏡成個闊太打扮嘅羅霖滿載而歸，佢手挽住個Chanel紙袋，女傭就幫佢攞住大大個橙色名店Hermès嘅紙袋，之後羅霖就上咗髮型屋整頭。
■李彩華入到名店除外套試袋，又睇飾物，行足一粒鐘終於有收穫。
DV圖片 
■後生女自然多愛心，加上李彩華嘅教徒身份，當然樂善好施。DV圖片 
■買嘢係女人天性，羅霖一對手唔夠買，要出動傭工幫手攞。
羅霖買完Hermès冇耐，就見到29歲嘅李彩華前後腳出現，佢一入到舖就除咗件毛毛外套，先去咗睇闊太好鍾意嘅Birkin袋，左試右試完一輪，跟住又去睇銀包同一啲小飾物，咁仲未夠喉，佢仲上埋二樓睇錶，前前後後喺舖頭入面逗留咗成個鐘，睇得好開心，之後就攞住一個小紙袋離開。李彩華出到門口撞到有位伯伯籌款，已經受洗成為信徒嘅佢，當然樂善好施捐錢畀位伯伯。
採訪、攝影：梁繼光
李彩華闊太 Look 騎呢喪笑
全站熱搜
留言列表
