陳琪 剖腹 誕7.5磅B女 胡諾言 首剪 臍帶
【今日我至齊】胡仔同陳琪再生個女，雖然湊唔成個好字，不過一家四口齊齊整整咁影張全家福，都咪話唔甜！
胡諾言和陳琪已有3歲囡囡胡芷苓，兩人一直計劃為她添個伴，芷苓的妹妹昨日出世，陳琪剖腹生下7.5磅女嬰，取名胡芷悠，興奮爸爸胡仔昨日自爆剪臍帶時手忙腳亂。
今年是娛樂圈的多產年，不少男女藝人排隊做龍爸龍媽，已有3歲囡囡的胡諾言和陳琪，昨日升呢做第二任爸媽，陳琪擇日在醫院剖腹生女，小龍女取名胡芷悠，重7.5磅，母女平安。
胡仔一向是稱職人夫人父，他雖有長女胡芷苓，但原來大女出世時他雖有進產房見證，但卻沒剪臍帶，胡仔昨日迎接幼女出生，獲醫生安排剪臍帶，他說：「我先喺間房等醫生通知，個心卜卜跳，好緊張，到拎起把鉸剪，我當剪綵，但臍帶韌韌哋，唔係一剪就剪到，剪咗少少又見到血，令我仲心急。」最終當然「剪綵」順利，眼見小芷悠健健康康，胡仔非常感動！
■陳琪再為胡仔誕一女，B女重7.5磅，十分健康。 
■胡仔抱着幼女芷悠一面滿足。 暫停追仔計劃
胡仔表示芷悠名字由堪輿師李丞責代改，他說：「我想囡囡成世都悠然自得，做女仔唔使咁大壓力，做人健康開心就得。」
陳琪有過生產經驗，這胎生得輕鬆，她會餵囡囡人奶，胡仔大讚老婆，並開玩笑說：「佢生完好精神，化咗妝就可以去拍嘢，皮膚白裏透紅。」胡仔當然不捨得陳琪產後馬上開工：「我呢排開緊兩部劇，多謝監製體諒，畀我幾日假照顧太太同囡囡，我希望太太快啲復元，收身成功。」
這次陳琪未為老公圓追仔夢，肚皮還需努力嗎？胡仔說：「唔諗呢樣住，有兩個女我已好開心，我一定唔偏心。」
採訪：比華利
胡諾言首剪臍帶 添7磅半B女
娛樂圈近日喜事重重，現年35歲的藝人胡諾言及38歲的太太陳琪昨日再度榮陞父母，陳琪順利剖腹誕下重7磅8安士的女嬰，胡仔更首次親自操刀剪臍帶，感覺又驚又喜。胡仔亦寄望囡囡將來活得輕鬆自在，有快樂人生。
藝人胡諾言及太太陳琪自2009年誕下長女胡芷苓後，胡仔昨日再度公布喜訊，太太陳琪順利剖腹誕下重7磅8安士的小千金，母女平安。胡仔大讚女兒可愛，說BB遺傳了他的耳朵和鼻，而嘴巴就似媽媽一樣。今次囡囡的名字亦跟長女一樣交由李丞責師傅負責改名，名為胡芷悠，意思是希望女兒活得悠然自得，他表示：「我唔使佢大富大貴，但希望佢做人活得輕鬆自在，冇壓力。」
首次為ＢＢ剪臍帶的胡仔坦言有少少驚。
雖然陳琪已非首次剖腹產子，但胡仔表示這次卻是他首次剪臍帶，他說：「之前聽人講臍帶好難剪，今次親手剪時發現原來臍帶係有韌度，個感覺好得意。第一下剪唔晒，有少少血流出嚟都驚驚地，自己都停咗0.1秒，但見到有個小生命喺面前，又驚佢冷親所以剪埋佢。」問到太太精神狀況如何？胡仔說：「開頭怕第二胎佢會應付唔到，因為佢有哮喘，呢幾日天氣又唔好，不過太太好堅強，一切安好。」
只請一天假
胡仔再為人父，但他坦言壓力反而更大：「因為自己工作好忙，11月要開劇，早兩星期又拍《愛‧回家》，12月頭都會離開香港兩星期做嘢，自己一直好擔心會撞期陪唔到太太，但真係要好多謝監製，畀我抽到時間出嚟，屋企人又有幫手。」
他亦直言養小朋友有壓力，故只請了一天假陪太太，明天又要再次投入工作，努力賺奶粉錢。但他亦大讚次女有福氣：「出世前已經有好多贊助商贊助佢，所以會輕鬆啲。」
至於大女胡芷苓亦非常愛錫妹妹，胡仔說：「佢今朝返學嗰時已經交帶落話要畀佢見小BB。咁我都有叫佢準備禮物畀妹妹，我又有代妹妹送禮物畀佢，希望佢知道我哋唔會偏心。」而產後的陳琪亦馬上上載照片到微博報平安，留言：「大功告成！」
文：影視組
陳琪誕7磅8二千金
胡諾言太太陳琪剖腹誕下重7磅8安士的小千金，並取名胡芷悠，寓意將來活得悠然自得，有快樂人生。胡仔指囡囡的鼻及耳朵最似他，嘴巴則似媽咪，首次剪臍帶的他說：「原來臍帶有韌度，第一下剪有血流出嚟，都驚驚哋！但驚佢冷親，所以剪埋佢，好彩順利！」再為人父的他坦言壓力大，慶幸有不少贊助：「BB出世前已經有好多贊助，係BB嘅福氣！」而長女胡芷苓非常疼錫妹妹，胡仔說：「佢今朝返學已經交帶話要見小BB，我安排佢哋交換禮物，等佢知我哋兩個都咁錫！」
胡諾言與陳琪再得一名寶貝女，一家四口樂也融融。
小芷悠口擘擘非常可愛！
留言列表
