CLOSE-UP
愛地圖
2012年11月29日 ~~ 第1186期 香港《壹周刊》
電子地圖雖然早喺八十年代出現，但廿年嚟用途都冇大改變，至多可以用嚟導航同埋快速搜尋街名大廈名。
有邊個諗到，自從 Google（ http://www.google.com.hk/）○七年推出 Street View（ http://www.google.com/streetview），陸續為世界地圖加入實景，搵地方唔再限於認字同認線，仲可以認埋真實街景。
加上 smartphone近年大行其道，配合地圖玩法嘅手機 apps層出不窮，唔單只去食飯搵景點可以繑埋雙手交由 apps帶路，甚至可以識埋附近新朋友。
今時今日冇咗地圖，幾乎同冇咗 smartphone一樣難捱。
Jo Jo
貿易公司文員
外國返嚟香港冇耐，所以唔熟路，約朋友出嚟食飯成日蕩失路，所以次次朋友都會用 WhatsApp（ http://www.whatsapp.com/） send張地圖俾我睇，先唔怕我去錯地方。
Vivian Ng
旅遊 blogger
以前出國自駕遊，好多嘢都要靠估，而家就可以用 Google Maps規劃路線，計埋行車時間同油站位置，到時就唔使咁驚。
BurgerQueen
行山 blogger
通常行西貢、港島行山徑之前，都會用手機入面嘅 Google Maps睇吓啲路點行同認吓有冇分岔路。路線方面都算清楚，係冇顯示標距柱資料，差少少囉。
Vicky
服裝售貨員
放假同男朋友遊車河，一定會開手機 Google Maps導航，有時仲會用 Street View預先行一次先開車，唔使搞到兜錯路嘈交。
Samantha
電子公司會計
我好鍾意去樓上鋪買衫同食飯，但?鋪頭?商業大廈或工廠裡面，冇地鋪咁易搵，去之前都會用 Street View功能睇?大樓外貌，去到再搵就易好多。
陳先生
私人司機
而家啲 tablet有成十吋大，用嚟睇電子地圖最好，自動定位之餘又睇得清楚，唔使再停低架車慢慢搵。
陳先生
貨櫃公司東主
我部 Papago（ http://www.papago.com.tw/）導航機五年前喺
鴨寮街買，就算香港地成日改路，地圖 update都算追得幾貼，好似西九呢排改完又改，行親嗰頭都唔怕行錯路。
黃翠如
旅遊節目主持
成日返大陸做節目，但好多路司機都唔識去，所以每次坐車發現兜極未到，就會用手機地圖同定位功能睇吓有冇行錯路，教番個司機點行。
Terry Tam
行山 blogger
行完山都想同網友分享路線，為咗慳電會用手機 app「 GPS Tracker」（ http://play.google.com/store/apps/details?id=demo.GPSTracker＆feature=search_result#?t=W251bGwsMSwxLDEsImRlbW8uR1BTVHJhY2tlciJd）記低坐標，再用 Google Maps砌番條路線，仲因為咁識咗好多行山友。
劉先生
中港司機
用手機安裝凱立德地圖（ http://www.careland.com.cn）做導航，喺大陸定位又準，幾時轉彎會預先通知，但返到香港就唔掂，要靠手機嘅 Google Maps（ http://maps.google.com/）。
用圖廣泛
今時今日，地圖最大用途莫過於搵路同汽車導航，不過，既然地圖功能咁強大，當然有人會舉一反三諗出其他用法，將地圖功能玩到最盡。
熱門路線
以前做運動，好難記低每次跑步或踩單車路線，但有 咗 RunKeeper（ http://runkeeper.com/）、 runtastic（ http://www.runtastic.com/）呢類運動 apps就簡單好多，因為系統會靠手機 GPS去記低位置，仲會幫你記錄步速，將運動資料 sync上 server，就可以 喺地圖顯示番所有資訊。另外， Nike+ running（ http://play.google.com/store/apps/details?id=com.nike.plusgps）亦會根據所有用家 嘅記錄， 喺地圖上顯示番邊度係跑步熱點，唔使頭痛去邊度跑。
追蹤失機
手機既然內置定位功能，有人就設計出 Find My Phone（ http://play.google.com/store/apps/details?id=com.mango.findmyphone）之類 嘅 apps，就算唔見 咗手機，都可透過 衞星或發射站幫手機定位，大概掌握手機位置。但由於只 check到平面位置，香港高樓大廈多，就算知 喺邊都唔知 喺幾多樓。
智能帶路
吃喝玩樂 apps多到數唔到，好似 OpenRice（ http://www.openrice.com/restaurant/index.htm）、香港• AR旅遊導覽（ http://play.google.com/store/apps/details?id=com.xs2theworld.hktb&hl=zh_TW）等，不過齋睇推介未必識去，但而家只要一 㩒地址連結，就會彈張地圖出 嚟話你知 喺邊，部分 apps仲用埋增強實景功能，直情 喺手機畫面顯示間鋪 喺邊個方向，距離有幾遠，就算路癡都好難行錯路。
識朋友
又係 嗰句，當大部分智能手機都有定位功能，只要大家都裝 咗相同社交 apps例如 LINE（ http://line.naver.jp/en/）、 WeChat（ http://www.wechatapp.com/en/），就可以尋找附近用家，識吓鄰近 嘅陌生人。手提遊戲機 PS Vita（ http://asia.playstation.com/psvita/hk/cht/）同 N3DS（ http://www.nintendo.tw/3ds/index.htm）亦有類似玩法，但就用 嚟識 game友一齊打機或交換道具。
搵足跡
跟團去旅行，有旅遊巴載出載入，去完都唔知去過邊。而家只要用手機影相，就可以將坐標資訊記埋入張相，返 嚟只要將相 upload上 Picasa（ http://picasa.google.com/）等網上相簿，就睇得番影相位置，留低旅遊足跡。
小心使用
用手機免費地圖搵路普遍，全因夠方便，不過有好亦有壞，隨時要面對將自己行蹤暴露、數據費超標同行錯路等問題，使用時一定要留神！
暴露行蹤
唔少手機 apps都會用定位功能，例如用 嚟打卡或 喺地圖上顯示影相位置，話就話好方便，不過呢種做法隨時暴露你 嘅行蹤，如果黑客知道你住 喺邊，出國旅行打卡等同宣告自己屋企冇人，歡迎入屋爆格，好危險。
帶錯路
好似銅鑼灣棉花路雙線變單線行車， Google Maps嘅 Street View就完全未 update。
冇錯，導航功能係好方便，不過道路情況瞬息萬變，改路隨時可以改到行駛方向掉轉，太過信賴地圖帶路好易出事，好似上星期五有私家車司機靠手機導航，結果駛入堅尼地道逆線行車撞向專線小巴，搞到兩車共九女四男送院，傻得徹底。
數據超標
地圖唔再係 2D，仲會加埋 3D圖像、實景同其他消費資訊，所以每次開地圖，就會載入大量數據，好似 Google Maps睇 Street View，數據量比平時用多兩倍，如果用 Apple Maps 3D功能，數據量會用得更快更多，如果唔係無限 plan，或出國旅行唔記得熄漫遊，上網費一定好貴。
定點要準
用得手機導航功能，定位一定要準，為 咗提高準確度，手機唔單只會用 GPS定位，仲會配合埋 A-GPS同慣性導航技術。 A-GPS主要靠流動電話網絡 嘅發射站定位，雖然定位精確度（誤差約 50至 100米）唔及 GPS（誤差約 10米內），但可以提高手機定位速度，入到高樓大廈林立 嘅街道，又唔怕完全收唔到 衞星信號。慣性導航就會 喺收唔到 衞星信號時啟動，配合地圖 嘅道路資料，根據用家之前行緊邊條路同速度，推斷而家位置兼繼續發出導航指示，當再次接收到 GPS信號，就會自動校番正位置。不過，落到地庫、地下鐵等連流動網絡都收唔到就乜都冇用。
一樣有錢賺
而家好多電子地圖都免費，究竟靠乜維生？以 Google Maps為例，雖然一般人用唔使錢，但如果用途涉及商業活動，例如商戶將 Google Maps嵌入 apps內， Google就會按 click rate收錢，只要每日點擊地圖量超過 25000次，之後每一千個點擊，商戶就要俾 0.5美元 Google，條數好似好細，但你幻想吓每日有幾多人用 OpenRice搵鋪、用銀行 apps搵分行位置？條數認真和味。
三圖導航比併
既然地圖資訊咁齊全，手機又有 GPS，唔少人已用 嚟做埋汽車導航。
今次就用 Apple Maps（ http://www.apple.com/ios/maps/）、 Google Maps（ http://maps.google.com/）同專業導航系統 MapKing（ http://www.mapking.com）鬥一鬥。
由將軍澳出發，行勻港九加埋六個熱點，測試 喺空曠、隧道及大廈林立環境之下，邊個導航系統最好用。
三大系統
Google Maps
○五年啟用 嘅電子地圖，多年來不斷改良同埋加入新功能，例如「街景」、「路況」以及「 3D鳥瞰」；○六年開始推出手機版地圖，○八年 iPhone 3G首次內置 Goggle Maps後，將其發揚光大，成為最多人用 嘅流動電子地圖。
Apple Maps
今年中 Apple（ http://www.apple.com/hk/）推出 iOS 6，刪除 Google Maps改用自家 Apple Maps，地圖資訊由歐洲最大 衞星導航公司 TomTom（ http://www.tomtom.com/en_gb/）提供，部分地方亦加入「 Flyover」（ http://www.apple.com/ios/whats-new/）立體地圖顯示。不過地圖資料差 Google Maps九條街，仲有好多錯漏。
MapKing GPS-Bay TYPE 1（ http://www.mapking.com/HongKong/tc/products/connectedcar.html）
除 咗語音導航、 3D/ 2D地圖導航介面，仲可以插 SIM卡上網，即時顯示由路政署提供 嘅路面監測站畫面，以及電台 嘅交通消息，當發現前面路面擠塞，系統會自動搵出最快行車路線。主機售二千五百蚊。
起點
➊將軍澳 PopCorn商場
Check!
一開車三個系統都指錯車頭方向，但起步修正路線後 Apple Maps同 Google Maps就夾硬叫人 喺嚴禁 U-turn路口掉頭，只得 MapKing識得搵番條合法路線。
Check
齊齊輸入下一站「西貢碼頭」，點知去到「白沙灣碼頭」 Google Maps竟話已到目的地！要寫到明「西貢公眾碼頭」先識行。
➋西貢公眾碼頭
Check!
Google Maps同 MapKing可設定儘量避開收費隧道，而 Apple Maps只會揀出最快最短航線，所以由西貢過太古城，只得 Apple Maps指示經將軍澳隧道落藍田過海，冇其他選擇。
Check!
過隧道時收唔到 GPS訊號， Apple Maps同 MapKing會根據慣性行車路線估計位置， Google Maps就停 喺隧道口，不過一出隧道，三個系統只需兩三秒即刻校番正位置。
➌太古城中心
Check
駛入大廈林立 嘅太古城住宅區，唯一冇 A-GPS輔助定位 嘅 MapKing即時失準， 喺唔同路跳 嚟跳去，其餘兩個系統就表現穩定。 
Check
Google Maps同 MapKing會根據交通情況選擇路線， Apple Maps因為冇呢方面資料，所以指示駛入路程短但塞車塞到爆 嘅英皇道，輸晒。
➍銅鑼灣
Times Square
➎西九龍
海濱長廊
Check!
當駛出西隧， Google Maps突然顯示到達目的地，要重新接收 GPS訊號先計番條路線。
Check!
政府發展緊西九龍文化區同高鐵，所以西九龍一帶馬路幾乎每幾個月就改路一次，只得 Google Maps更新得切，而 Apple Maps及 MapKing只顯示舊路，亂咁指人行。
終點
➏旺角朗豪坊
功能比併
易讀比較
揸車時雙眼要望實路面，所以介面易讀性好重要，另外，如果語音指示清晰，亦可減少望屏幕時間。
Google Maps
地圖同畫面資料較豐富，有埋行駛餘下時間提示，實用。
不過一離開導航介面就冇晒提示。
Apple Maps
地圖介面簡潔，畫面上方「轉向導航」指示牌亦夠詳細，會顯示出口位以及街道名。有來電或開其他 apps，畫面上方仍然會有導航提示，夠貼心。
MapKing
地圖設計雖然最簡單，不過顯示 嘅資訊就最豐富，除 咗地方名、行駛時間，仲有埋行車速度、快相提示、分岔口動畫提示等。
語音
Apple同 Google Maps語音因應手機語言系統而定，如果選擇香港特別行政區，就會自動轉用廣東話語音導航。而 MapKing就可以喺系統內設定隨時轉語音，除咗廣東話、國語同埋英文，仲有福建話、印度話，照顧唔同國籍駕駛者。
Apple Maps 每一個路線提示都好詳細，會讀出街名、高速公路出口號碼，唔使睇畫面都識行。
Google Maps/ MapKing 只得一句「左轉」、「右轉」或「前方靠左行駛」等簡單指示，遇着出口位多或密集 嘅路段，一定要配合畫面。
DATA用量
Apple Maps同 Google Maps都要上網下載地圖資訊，所以特別計算行完成條路線（約 55km）要用幾多數據流量。
Apple Maps 約 2.5MB
Google Maps 約 10MB
搜尋地標
MapKing只是配備舊式壓力感應屏幕，要用力先寫到字。
總結
Apple Maps雖然俾好多用家鬧到七彩，地方資料唔及 Google Maps同 MapKing多，冇即時路況亦都係一大死穴。好彩 Apple Maps語音導航方面都做得唔錯，攞番啲分。至於 Google Maps同 MapKing就鬥到難分難解，不過路況資訊始終係 MapKing佔優，唔單只有即時路況、交通消息，仲有超速同衝燈相機位置，如果經常用導航，最好揀 MapKing，間唔中先用，裝免費 Google Maps就夠用。
地圖煉成
電子地圖就用得多，可以隨意放大縮細兼轉 衞星、地形顯示，背後究竟點製作？
原來一切都由傳統地圖開始，並唔係用 衞星影啲相駁埋咁簡單。
傳統地圖三級製
事實上，而家所見嘅電子地圖，大部分「改編」自傳統紙地圖，而傳統地圖製作方法，會按比例用唔同方法製作。製作方法更沿用至今，但準確度就高過以前。
真人勘察
（《蘋果日報》圖片）
派員逐條街道詳細量度長度及水平，記錄地圖上每點嘅座標位置、水平高度起伏等數據，可以繪製出極精細嘅地圖。
飛機
（《蘋果日報》圖片）
根據定翼飛機配備嘅垂直攝影機，以指定航道由南至北、東至西拍攝全港俯瞰圖，繪圖員可根據飛行高度，計算出建築物同埋山坡嘅高度，或者粗略繪製地圖上嘅道路。
衞星
用嚟製作 1:10000比例地圖（例如全香港地形圖），根據 衞星影到嘅相，繪製出地形同埋座標。
數碼化地圖
（ MapKing圖片）
根據製作傳統地圖期間所記錄嘅數據（例如 GPS定位、水平及長度等），經數碼化後還原，製作成可隨意放大縮細嘅 2D數碼地圖。
3D建築物
繪圖員會實地為建築物拍攝外觀相，再用電腦軟件製作成立體圖像， Google（ http://www.google.com）同 Apple（ http://www.apple.com/hk）亦有用無人駕駛飛機進行拍攝，完成後再將立體建築物放番喺地圖上相應位置，就可以製作出 3D立體地圖。
只要在 Facebook以「 NEXT 3.0」為關鍵詞搜尋，或以手機的「 QR code」 app掃描，就可以睇到更多新聞同產品情報。 
text：科技組
photo：攝影組
graphic：王健威
留言列表
