熊黛林包上露下影月曆照,半股加 43吋長腿,索到阿王( Aaron)開口讚好。

同你吟一吟

《寒戰》大收 益埋熊黛林

2012年11月29日 ~~ 第1186期 香港《壹周刊》

截至星期日(十一月二十五日),《寒戰》上畫十八天,香港票房收 3,500萬,大陸 2.1億人仔,值得飲杯!

上星期二(二十日),電影公司吹雞搞咗十六圍大閘蟹宴,慰勞一班幕前幕後功臣。兩位新導演陸劍青同梁樂民、男主角郭富城、梁家輝等到齊。影片收得,仲帶挈露半股影月曆嘅熊黛林,獲男友親口話正!「佢( Lynn)係 super model,身形好,影乜都靚!」
票房口碑雙贏,《寒戰》已經原班搞緊第二集,八珍收到風,話唔少同類片種,好似將開拍、爾冬陞+麥莊嘅《竊聽風雲 3》,同埋陳木勝《掃毒》(暫名)都響晒警鐘,近期頻頻 call會,再細執劇本,免得貨比貨,失禮失威!


蟹宴上梁家輝捉住有份客串一角嘅前廉署執行處副處長徐家傑握手敍舊。


送個(月曆)俾我呀!(真實對白)


錢嘉樂有份演出電影大收,仲喺金馬攞埋獎,老婆同肚中 BB腳頭好,李治庭搭住影相,乘機黐吓啲旺氣。


《寒戰》密鑼緊鼓開續集,有份投資嘅安樂電影老闆江志強捉郭富城企埋一邊密斟。

撰文:八珍

arrow
arrow
    全站熱搜

    tvb4life 發表在 痞客邦 留言(0) 人氣()