close
同你吟一吟
蒙嘉慧九龍城學做煮飯婆
發嫂陳薈蓮、華嫂朱麗倩，都喜歡去九龍城街市附近買嘢，鐵定出年做麵嫂嘅蒙嘉慧有樣學樣，未正式做鄭太，已經不時去九龍城一帶熱定身，預演做賢妻。
上星期一（十一月十九日），蒙嘉慧由未來老公做司機，揸車送去九龍城入貨，由永富買到農城，一袋大閘蟹一袋菜再加一袋番薯，跟住去源興買咗支鮮搾橙汁，閃！街頭行去街尾上車，九秒九，唔想 honey久等。
盈盈樂樂婚宴當晚，鄭伊健首次公開拖住蒙嘉慧，準麵嫂等咗超過六年，仲打破埋「七年分手咒」，四十歲前嫁得出，可喜可賀。
揀完菜，見到黃肉番薯都好靚，要埋！
唔想伊健同未來老爺（箭嘴）等太耐，蒙嘉慧摩打腳，街頭行去街尾上車。
有份做錢嘉樂兄弟嘅鄭伊健，喜宴當晚攜眷出席，仲初次公開拖住女友。
全站熱搜
留言列表
