楊思琦未生女之前，已經是出名的慳妹；生完女之後就更加慳上加慳，買平價衫、出入平民食肆，生活簡樸。早前單拖到便利店購物，行完一輪，結果慳字行頭，空手而回。
探熱針
大步𨂾過 余詠珊大發慈悲 救楊思琦免斷糧
冇劇欠騷
出走美國「柄」埋生女之前，個性倔強的楊思琦本來已經被戲劇科的一班監製列入「唔聽教」名單之內，就算有劇拍，角色都跌到二、三線可有可無。
「思琦人緣一向差，又唔鍾意聽人講，喺美國返到 嚟，即使情況咁差，都冇人肯開戲預佢；一年本來起碼過百個騷，突然冇晒，到年尾計糧會好大件事，不但影響續約，因為騷錢係月薪預支，做唔夠騷，冇糧出不特止，仲會被要求還騷。」一名無綫友說。
又要養女！又要供樓！經濟壓力爆晒煲的楊思琦，早已向藝員科高層樂易玲表明態度，願意減價接騷接廣告，連價錢不高的內地酒吧騷都照做；雖然樂易玲肯幫手，但根本無監製願意預角色給她，令楊思琦 孭住一身騷債。
戲劇科求救無門，楊思琦於是轉向綜藝科埋手。
「其實思琦係港姐出身，咁多年都主持過唔少綜藝節目， 喺綜藝科反而有朋友。」
對於楊思琦的情況，不少跟她有交情的綜藝科監製和編導都樂於幫手，但距離做夠騷，仍然長路漫漫。
火燒眼眉，楊思琦硬 着頭皮，向無 綫非戲劇科總監余詠珊求救。「 Sandy（余詠珊）見佢一個女人仔要養女，又要供養父母，於是同下面啲監製講，大小騷都盡量用佢，俾機會佢可以追番 啲騷，唔使冇糧出。」知情者說。
馬死落地行！ 孭住養女和供樓包袱的楊思琦，為求賺錢連品流複雜的內地酒吧騷都照接。
素顏楊思琦在便利店內，遇到相熟朋友閒談幾句，便獨個兒離開，然後步行往美容院。
形象跌入谷底的楊思琦，終於接到第一份修身廣告；早前特登到美容院做 facial。
底騷制無情講
無 綫藝員合約基本上是底騷制，騷錢是藝員基本收入，基本底騷是以底薪形式分十二個月支付，爆騷藝員除了基本底薪外，還會加上額外騷錢。
當年六嬸方逸華未主政時，無 綫對於欠騷藝人，一向隻眼開隻眼閉，續約時會一筆勾銷；但六嬸認為此方式對公司不公平，藝員如果年底做不夠騷，不但冇糧出，還要「跑騷」贖身，否則無得留低；甚至試過有藝人要白做半年還騷債，至於不獲續約或跳槽到其他台的藝員，會被要求還錢。早前跳槽到王維基旗下的黃澤鋒、元華、魯文傑等人均經歷過，曾公開炮轟制度不公。
跳槽 CTI的元華（右）和黃澤鋒均曾經歷被追騷苦況，黃澤鋒更曾被要求還錢。
唔敢計較
老細令下！最近推出的《瘋狂歷史補習社》監製率先響應。
「雖然個節目冇固定班底，不過集集都預思琦一份，一次過幫佢追番成廿幾個騷，今年勉強夠底數，總算大步𨂾過。」
投桃報李，楊思琦在這節目做「鍾無艷」扮「古裝大波妹」，再醜再騎呢都無詐型。「思琦都改變 咗好多，開工日日蓮子蓉口面，又肯同班幕後傾講，打好關係。」一名工作人員說。
吳帥餅印
谷祖琳早前聯絡十二位圈中龍媽拍慈善月曆，未婚生女的楊思琦亦榜上有名，九個多月大的 Kristen，跟爸爸吳帥（圓圖）一個餅印。
楊思琦含辛茹苦湊女，境況值得同情；但仍被戲劇科打入冷宮，可見她的人緣認真麻麻。
《歷史瘋狂補習社》以搞笑形式講正史，雖然沒有固定演員班底，但楊思琦集集都出現，一口氣追二十幾個騷，鬆一口氣。
除了楊思琦，古明華（右一）和林曉峰（左一）亦經常在節目中出現。
多得綜藝科收留的楊思琦，扮醜扮肉酸都唔敢再計較，成塊紅痣放上面、黐大粒癦畫粗眉都冇所謂，一樣笑面迎人，和幕後打好關係。
扮醜
扮怪
留言列表
