繼經理人朱永龍,向太跟她反面收場後,連情同姊妹的葉佩雯都跟張栢芝割席。

探熱針

阿媽幫栢芝打工受辱 葉佩雯反面

2012年11月29日 ~~ 第1186期 香港《壹周刊》

上週五(十一月二十三日),葉佩雯與 Eric Kwok在北角補擺婚宴,新郎的好兄弟霆鋒因身在內地工作缺席婚宴,新娘老死栢芝,即使人在香港,卻寧願到又一城溜冰都唔去飲。據了解,栢芝缺席喜宴並非逃避眼中釘拉姑,而是與幫她所開設的美容院打骰的葉母有積怨,為此更與相交多年的好姊妹葉佩雯擘晒面。




單親家庭長大的葉佩雯,母女感情深厚。故葉母打栢芝工受氣,間接影響葉佩雯與栢芝的關係。


在張栢芝 揼本的美容院任 CEO的葉母,專責向客人介紹美容療程,上週四(二十二日),愛女攪婚宴的前一天,她在美容院工作至晚上九時才離開。

長輩照鬧


去年張栢芝拍電影《楊門女將》,引薦埋老友葉佩雯做配角。

由六年前在菲律賓見證鋒芝婚禮,到去年在鋒芝婚變期間,曾擔任和事老角色的葉佩雯,經常到陽明山莊開解箍煲不遂、情緒崩潰的栢芝,二人情同姊妹。其後,栢芝打本數百萬在銅鑼灣開設只做 member的「康盟美容會」,用人唯親的栢芝除了讓經理人 Emily做美容院的董事,亦找來葉佩雯的母親 Fanny負責打骰,任行政總裁。
但講錢,就失感情。有做美容生意經驗的 Fanny上場後,業績卻未能達到老闆娘栢芝的要求,落鋪睇數時,試過兜口兜面鬧,完全無因對方是長輩,留兩分情面。
為改善美容院的生意,栢芝搵埋賣水晶並擅於占卜的老友阿 Mike,幫手擺水晶陣甚至幫忙介紹客。及後生意漸有起色,栢芝才放葉母一馬,但她與葉佩雯的關係,已因此大打折扣。
好姊妹變難頂老細,睇住自己阿媽受氣,夾在中間的葉佩雯初時左右做人難,加上她在栢芝引薦下,簽了對方的內地經理人「新亞洲娛樂」,兩姊妹同屬一間公司,關係千絲萬縷,葉佩雯只有勸阿媽忍氣吞聲。 

踩冰唔去飲



上週五,葉佩雯舉行婚宴,老友齊出動去飲, Eason做兄弟,但栢芝因同新娘唔妥缺席婚宴。當晚她被發現在又一城溜冰。






跟葉佩雯母女仍保持友好關係的張栢芝經理人 Emily,當晚單拖到賀。

口不對心


直至今年中,栢芝主動叫準備執靚個樣,迎接人生大事的葉佩雯到她投資的美容院做 facial,又講明唔收錢任做。準新娘以為老友夠豪氣,又有阿媽打骰,於是老實唔客氣,頻頻上美容院扮靚。
點知栢芝出爾反爾,口不對心!竟向葉母詐型,指責兩母女有着數攞到盡。葉佩雯忍無可忍,決定割席,婚宴也不請張栢芝。
「 Grace(葉佩雯)好嬲,覺得栢芝向錢看唔念情,只係為咗做多幾次 facial就斤斤計較。不過 Grace阿媽仲留低喺美容院幫手,因為唔易信人嘅栢芝一直搵唔到啱佢心水嘅人接手, Emily又唔識做美容,所以就留住 Grace媽咪。其實 Emily都夾 喺中間,佢同 Grace仲好老友,都有去飲。至於拉姑,亦因 confirm栢芝唔會到,先決定 嚟飲。」知情者爆。

高格調 中價檔


張栢芝幕後 揼水開設的美容院「康盟美容會」開業年多,只做會員及圈中人生意,從不以廣告招徠。近二千呎鋪面,有六間 VIP房,裝修走高格調,但美容療程收費只屬中檔,葉母向由熟客介紹上門的本刊記者稱,美容療程萬七蚊做三十次,平均計每次約五百多元。美容院內亦有售美容產品,貨源來自日本、德國及法國,價錢五百至千元不等。






六年前,她與霆鋒在菲島秘婚,連父母都唔請,只邀葉佩雯及 Eric Kwok出席觀禮。


知道眼中釘栢芝冇去飲,拉姑才風騷地同四哥到賀。

撰文、攝影:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()