close
揞名爆
「聽唔明」機上擺款
除咗娛樂記者，見得最多明星嘅，可能係一班機艙服務員！事關香港藝人依家都努力發展大中華市場，得閒又要走埠登台咁啦，所以喺飛機上面，成日可以見到唔少明星真面目。
好似成日鍾意發表偉論嘅大明星「聽唔明」咁，原來係有「機艙點餐障礙」㗎！即係搭緊飛機嗰時，佢如果想飲杯水，或者想要 A餐咁啦，就算大大個空姐企喺面前，佢都唔會開金口，係要叫坐隔籬嘅助手、經理人幫佢 order。
Well，你話使唔使咁麻煩？媽咪姐就咁理解啦，人哋大歌星嚟㗎嘛，周不時又要喺鏡頭前發表一啲聽唔明嘅偉論，你估咁容易喺平日俾大家聽到佢把聲咩！會無咗忽肉，蝕㗎嘛。 
全站熱搜
留言列表
