亞熱帶

爆炸鳥  Big Bang 12月襲港

2012年09月28日 ~~ 第896期 忽然1周

韓國 HIP-HOP組合、有「爆炸團」稱號 嘅 Big Bang, 12月爆到 嚟香港啦﹗佢 哋會 喺亞洲博覽館舉行 3場演唱會。雖然成員之一 嘅勝利最近 喺日本同香港兩地爆出性醜聞,但亦無損佢 哋 嘅爆炸威力。
Big Bang原定只係開 12月 8號一場,但門票未開售咋,已經搶到 嘭 嘭聲,於是加多 9號,總共兩場,到門票正式開賣,唔使一個鐘,全部賣晒。主辦方立即決定再加多 10號一場。神級組合,認真唔講得笑。

左起:
東永裴(太陽)
生日: 1988年 5月 18日
職務:主舞、副主唱
李勝賢(勝利)
生日: 1990年 12月 12日
職務:主唱、副舞
權志龍( G-Dragon)
生日: 1988年 8月 18日
職務:隊長、主唱、 Rapper、作曲
姜大成(大成)
生日: 1988年 4月 26日
職務:主唱
崔勝賢( T.O.P)
生日: 1987年 11月 4日
職務: Rapper


勝利早前被影到同房祖名舊愛久保杏奈(中)喺灣仔夜店門口攬啜,溝女王果真名不虛傳。

2011年,可以講係 Big Bang最當 揼 嘅一年。本來佢 哋一早 plan咗「亞巡」大計,其中包括今年 4月 嚟香港,但因為成員負面新聞接二連三:先係6月,大成 喺韓國涉及車禍命案,之後又爆出隊長 G-Dragon喺日本巡迴演唱期間吸食大麻被拉。雖然事後兩單 嘢都叫做平息 咗,但成隊人就要被逼停工洗底。
雖然成員輪流出事,但對佢 哋一 啲都唔係問題。經過 4個月冷河期 嘅 Big Bang喺 2012年 2月,帶住佢 哋新專輯《 Alive》回歸,同時再展開佢 哋 嘅亞洲巡迴演唱會《 Big Bang ALIVE TORU 2012》。 

勝利玩出禍


正當 Big Bang強勢回歸攞晒彩之際,隊中老睸勝利又出事囉。一直 喺日本進行個人活動 嘅勝利,俾日本雜誌《 FRIDAY》爆佢同女歌迷一夜情,仲話佢有特殊性癖好。事後一直潛水 嘅勝利,早前靜靜雞 嚟 咗香港拍日劇《金田一少年事件簿》。溝女成性 嘅勝利又同 㗎妹久保杏奈當街攬啜拖。搞到隊長 G-Dragon喺韓國為佢打圓場,話佢年紀仲細喎。


7月時, Big Bang喺上海舉行演唱會,並出席 SamSung發布會。


廣州粉絲認真厲害,特為 Big Bang製作超大型應援橫幅。

威到去美國


Big Bang嘅歌屬於狂野,跟一般偶像組合嘅陰柔完全唔同。

出道 6年 嘅 Big Bang,講樣,絕對唔靚仔,仲有 啲「爛仔」 feel。不過,「男人唔壞、女人唔愛」, Big Bang就憑呢種「爛撻撻」吸粉絲。話時話,佢 哋 喺台上 嗰種爆發力,絕非偶像組合倒模式 嘅齊舞所能比。 5個成員各具特色,仲係唱得、跳得兼作得,所唱 嘅歌大部分都係佢 哋自己創作,尤其 G-Dragon,更有「才子」稱號。 Big Bang最近仲威到去美國。上個月佢 哋唔止成為第一隊韓國樂隊登上格林美官方網首頁,仲有大篇幅介紹佢 哋 㖭。
雖然 Big Bang仲有 3個月先 嚟香港,但耳邊已不停 bang bang聲。奉勸粉絲一句﹕ Big Bang嘅爆炸力唔係人咁品,小心被炸傷呀,到時就真係 big pan(大鑊)囉! 

撰文:娛樂組

arrow
arrow
    全站熱搜

    tvb4life 發表在 痞客邦 留言(0) 人氣()