818 娛樂八掛大放送★

羅仲謙在《巴不得媽媽》第五度跟拍檔黃智雯合作，幸好未有再傳出緋聞，反而傳緋聞女友楊怡向他迫婚成功的消息，謙仔坦言女方是符合擇偶條件，但他未有結婚打算，因為仍想為事業再努力，希望成為「集郵」男星，有機會多跟不同前輩合作，特別是影帝及視帝人馬。

謙仔在《巴》劇跟「老」拍檔黃智雯再合作，他坦言未有生厭感覺，反而幾年來看着各自成長感覺相當有趣，「我哋第一次合作《搜下留情》時，大家都傻更更，依家大家都成熟咗好多，默契亦都會好咗。」

不怕楊怡呷醋謙仔笑言最愛挖苦智雯，但因為熟絡亦清楚底線，問到他們一起玩得太癲，怕不怕正印女友楊怡呷醋，他繼續死口唔認拍拖，「我同楊怡只係好朋友，我依家亦知道避忌，唔會同女仔玩得太癲，o依家我係絕緣體嚟，況且同智雯似兄弟多啲。」問到楊怡迫婚一事，「冇啲咁嘅事，我依家都未Ready結婚，做好工作先啦！」

今次謙仔在《巴》首次跟阿姐汪明荃合作，謙仔不覺對方惡反而獲益良多，所以希望未來可以跟更多前輩合作，更笑言要做「集郵」男星，儲齊各大影帝視帝，「我其實幾好彩，入行拍電影《阿嫂》就可以同6大影帝合作，之後拍電視《尖子攻略》就可以同Bobby（歐陽震華）、大宇合作，o依家拍《衝上雲霄》就同鎮宇，有好多機會好好偷師。」

謙仔希望成為「集郵」男星，有機會多跟不同前輩合作。

謙仔坦言，楊怡符合其擇偶條件。