已經有幾年冇拍過電視劇集，人稱方中Sir嘅方中信，近日重投無綫懷抱，拍緊套重頭劇《仁心解碼II》，日日趕工嘅方中Sir前日就去咗跑馬地墳場開工。

場戲好簡單講方中Sir攞住紮花去拜山，拜嘅時候佢交足戲眼濕濕，差啲整咗場哭墳出嚟。咁簡單嘅戲份自然難唔到老戲骨嘅方中Sir，佢好快就拍完收工喺度嘆煙。

《今日我至啋》
方中信去墳場開工，已經唔多老利，仲叫記者影徐子珊張墳頭相，大吉利是咩！

嘆事後煙

專人補妝

七情上面

邀記者影墳

方中Sir嘅觀察力好強，冇耐仲發現咗記者，但佢好大方邀請記者行近啲影，仲好搞笑問記者：「喂，你影咗個墳未呀？快啲影啦。」真係驚死記者會甩相，睇真啲嗰個道具墳原來整咗徐子珊張相，寫住愛妻莫敏兒之墓，終年30歲，雖然大吉利是，不過唔知咁樣會唔會計番騷錢畀子珊，不過點都應該有封利是仔收吓啩。

之後，着住恤衫牛仔褲嘅方中Sir補多幾個鏡就收工，最抵死係班道具手足抬走個墳時，單手就搞掂，不過話時話就真係做得幾真。

《仁心解码II》开镜拜神 在线视频观看 土豆网视频 仁心解码II 杨怡 方中信 蒙嘉慧