跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
楊受成親自招呼李超人,楊家上下更列隊恭候,楊玳詩笑晒同超人 uncle握手。
上個禮拜五(九月十四日),英皇集團 响灣仔會展舉行成立七十周年晚宴,一姐容祖兒以透視裝現身,依然俾班億億聲 嘅城中富豪搶晒鏡。
李超人李嘉誠一早就 嚟到,老闆楊受成親自招呼,楊家將楊諾思楊玳詩楊其龍一字排開,逐一同首富握手自我介紹。親自到賀夠俾面,不過李嘉誠有事要走先,楊諾思楊其龍即刻上前送客,更把握最後機會,再夾住李超人影番張合照留念。除 咗富豪賓客多,巨星更唔少,當中最觸目有低胸劉嘉玲,以及專誠 响北京來港 嘅葛優,識佢人都知佢從來唔搭飛機, 嚟香港要坐二十四小時火車,時間面子俾到足。
李超人走先,楊諾思楊其龍爭取時間合照兼送客。
范冰冰長髮白面加飄逸紅長裙,嘩,真係有啲驚。
低胸嘉玲精心打扮,葛優坐二十四小時火車 嚟香港到賀,各有各誠意。
當晚富豪嘉賓仲有拖實大肚甘比 嘅大劉,以及有徐子淇李家誠傍實 嘅四叔李兆基。
撰文:八珍
818 娛樂八掛大放送★
tvb4life 發表在 痞客邦 留言(0) 人氣()
留言列表