close

王維基投靠甘草幫



同你吟一吟

王維基投靠甘草幫


免費電視牌照未到手，「城電魔童」王維基洗濕個頭，冇得嗌停。已經拍好三套劇，仲有四套趕緊貨，魔童希望明年年中開台成功，有 300小時節目揸喺手。上個禮拜三晚（九月十二日），趁「城市電訊」成立二十周年，吹雞叫晒全台一百四十位藝人，去酒店開泳池派對慶祝壯聲勢。

當晚有重金禮聘做「城電一姐」 嘅張可頤，又有父女檔上陣 嘅黃日華、黃芷晴，不過王維基大部分時間黐住班盛傳高薪挖角返嚟 嘅前無 綫甘草演員，仲玩到落埋水。
隔兩日（十四日），王維基為新劇《童話戀曲》搞海鮮煞科宴，除 咗親自行出行入幫手點菜，仲攞 咗箱私伙紅酒請大家飲，女主角廖碧兒識做拉埋 櫈叫老細同佢一齊坐，王維基雖然盛情難卻，不過佢都係鍾意黐埋班甘草，仲話人 哋影合照唔預佢。
講心又講金，人情味呢招，贏晒無 綫！


見大老闆咁玩得，成班藝員索性掟王維基落水，難得佢仲笑得出。


「城電」一姐張可頤，全晚黐實陳曼娜行孖咇；黃日華就讚囡囡黃芷晴第一次拍劇表現唔錯，父女夜晚返到屋企仲會一齊研究劇本做功課。


王維基同神級甘草陳安瑩，捉晒手不知幾好傾。




廖碧兒果然係世界女，幫大老闆拉 櫈，合照仲愈挨愈埋。




兩位前無 綫甘草游颷、黃文標跟同事影合照，王維基衝埋去：「而家係咪唔預我，唔侵我玩呀！」
arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄