娛頭
淫賤泳池摷攬摸 人妻 Toby肉搏吳卓羲
為箍煲人肉速遞親飛北京，再送情戒求饒的吳卓羲，痴漢策略無功而回，同張馨予分手唔夠兩個月，已經恢復生猛。
上星期，吳卓羲跟大隊飛海南島三亞拍《衝上雲霄 2》外景，遇到舊相好梁靖琪（ Toby），雖然對方已出嫁成為人妻，但姐仔屠夫食得唔好嘥，臨返香港前一晚，摸黑到泳池大解放，水戰連場埋身慾搏，二人攬埋一嚿， 35D Toby全方位同吳卓羲接觸，玩完水戰，更手拖手返上房。
慶功劈酒
無綫劇集《衝上雲霄 2》到三亞進行六日外景拍攝，一班主要演員包括胡杏兒、吳卓羲、胡定欣、羅仲謙等，寓開工於度假。週日（九月十六日）完成所有拍攝工作，吳卓羲同胡杏兒夾錢請全組人到酒店食蟹慶功，中途發現有記者，吳卓羲無癮先行離開。
食到晚上十一點，部分人留低餐廳繼續劈酒，一向爛飲的吳卓羲再蒲頭，與幕後工作人員勁飲，其間，剛游完水仍著住浴袍的梁靖琪（ Toby）加入，坐到吳卓羲身邊，見對方頭髮又濕又亂，「唱 K」主動郁手撥好，表現十分溫柔。
一班人猜枚隊酒，兩杯落肚後， Toby已 high到不時將身體挨向吳卓羲。暢飲一個多小時，吳卓羲起身返房，換泳褲。
愛撫濕頭
Toby游完一轉水後，穿着浴袍與吳卓羲猜十五二十劈酒，吳一見到 Toby就伸出神之手，幫 Toby撫摸她濕漉漉的頭髮。
摸黑大解放
由餐廳轉移陣地到泳池，雖然當時泳池已經關閉，但眾人依然硬闖，同行還有港男黃長興、何君誠及幾名工作人員，肥咗一身鬆肉，唔想打赤膊的吳卓羲著住背心落水，之後在泳池邊煲煙再繼續自隊一輪後，他終於剝衫；面對著住黑色無帶 bra top泳衣的 Toby， D胸加五吋又長又深事業線在眼前蕩漾，加上飲到 high晒的她不時發出「 he he嚡 嚡」聲，吳卓羲忍唔住多次攬住對方，潛入水底十多秒。
之後，已有醉意連說話都開始脷的吳卓羲，提議玩水上摔跤，先由黃長興對戰幕後工作人員，之後再同吳卓羲對打，「唱 K」唔夠打被黃長興不停撻落水，唔服輸的他狂爆粗：「×你個仆街呀！」
大送抽 bra
上圍大加上大動作， Toby件無帶泳衣經常走位，但她不怕醜在眾人面前抽 bra。
深坑誘惑
35D Toby著住黑色細碼泳衣，逼出一條長達五吋波罅。
箍頸就咀
Toby相當主動，不時用手箍住吳卓羲，扯他埋身。
人體胸器
跟住輪到 Toby與黃長興對打，但未郁手，吳卓羲已經第一時間指住黃長興說：「你條仆街，你咪×郁佢呀！」明知 Toby是高層梁家樹寶貝女，黃長興唔敢犯上，全程任由 Toby攻擊。
原本在旁觀戰的吳卓羲，忽然加入戰團同 Toby埋身肉搏，但二人似纏綿多過打交，吳卓羲先用雙手箍住 Toby，對方不甘示弱，使出 35D人體「胸」器，搞到「唱 K」大叫：「你咁好營養，咁樣好難冇反應囉！」三級對話， Toby即時作勢用手搥打對方心口，但忽然又一齊攬住潛入水底。
呻淫叫爽
玩到興起， Toby不時發出陣陣呻淫叫聲。
任人魚肉
玩摔跤時，吳卓羲任由 Toby擺布，給她抱起撻落水。
屙尿落泳池
玩完打交，吳卓羲提議玩剝褲。「邊個除褲，我就當佢係兄弟！」
跟住一班人夾手夾腳，硬剝港男何君誠身上的粉紅色三角泳褲，吳卓羲同 Toby則坐埋一邊睇戲。
剝完褲再猜枚，吳卓羲猜輸罰飲酒，他企圖借尿遁，眾人阻止，叫他去隔籬泳池搞掂，吳卓羲竟然聽話照做，污染泳池。
水戰兩小時，由於不時發出聲浪，最終惹來酒店住客投訴，玩到凌晨兩點，被酒店職員出面干預趕走，吳卓羲才與 Toby手拖手離開。
身形脹爆
拍劇時吳卓羲死都唔肯除衫，原來他身形走樣，肚腩大過胸，同埋有胸部下垂現象。
Toby背住老公玩得十分豪放。
第二日，大隊啟程返香港，吳卓羲已收到風，知道斷正，於是一改以往當記者透明的態度，主動行埋記者堆說：「你哋（記者）尋晚影到好多嘢啦，乜都影晒啦！係咪好大鑊呀？（影到啲普通嘢啫！）乜嘢普通嘢？係咪食煙飲酒講粗口咋？」
明知故犯，返到香港機場，吳卓羲同 Toby還一齊去免稅店買酒。
煲煙
吳卓羲與黃長興一路游水一路扯煙。
生剝泳褲
愈玩愈過分，黃長興將港男何君誠條三角泳褲除出來。
拖手返房
玩到俾人趕，吳卓羲拖住 Toby返回酒店房再玩。
預先報案
Toby老公 Aaron前來接機，問他何以未有陪同老婆去三亞，他說要做嘢所以無去；再問他怕唔怕老婆出軌， Toby搶住問：「係咪有相睇呀？攞嚟睇吓影到啲乜！」記者遞上相片， Aaron先面色一沉：「佢一早同我報定案，我唔會唔開心，佢哋好 friend㗎。」
○六年， Toby首度拍電視劇《男人之虎》，已經被指同吳卓羲撻着，之後二人再合作《歲月風雲》，一齊到北京拍外景，雖然當時男方已轉溝佘詩曼，但同 Toby的曖昧關係，一直斷斷續續。
在戲中吳卓羲都有得攬女，同傅嘉莉鴛鴦戲水，但見記者影相，一 cut機就彈開，好正人君子咁。
唔使埋位，吳卓羲唔敢攬女轉攬仔，攬住大孖周志文。
關心表現
週二（十八日），吳卓羲到愉景灣拍外景，被問到與 Toby打水戰一事，他扮死狗知衰。
壹：嗰晚同 Toby玩得好開心？
吳：係呀，去完慶功之後落咗去泳池玩遊戲，（玩乜？）都係猜吓枚咁啫。
壹：係咪飲咗好多酒？
吳：慶功有飲到，但係我同 Toby都清醒嘅。（記者將相片讓吳卓羲過眼，他瞪一瞪眼。）呢啲（摸頭）係關心佢嘅表現，好似哥哥對妹妹咁。
壹：但係你哋好親熱？
吳：你哋啲相定格 cap出嚟，就咁睇就梗係過分啦！
壹：怕唔怕 Toby老公唔高興？
吳：其實佢（ Toby）都係鬼妹仔性格，下次如果知道有記者會就住囉。
壹：怕唔怕張馨予見到唔高興，你同佢冇得掹呀？
吳：吓！我由頭到尾都冇講過要掹。
至於 Toby，亦堅稱同吳卓羲是好朋友。「大家都知我哋好 friend，不過我都有唔啱，唔應該當埋自己係男仔咁玩。」
○七年，吳卓羲與 Toby為《歲月風雲》在北京拍外景，休息時間， Toby被影到瞓在吳卓羲膊頭上。
Toby老公 Aaron專誠接機，由於知道有記者等，所以 Toby預先同老公報定案。
見到老婆同第二個男人嬉春圖， Aaron再笑唔出。
酒能亂性，啱啱中招仍唔知衰，返到香港，兩人走去免稅店買酒。
在慶功宴上，吳卓羲與 Toby刻意保持距離扮唔熟。
吳卓羲口震震回應與 Toby關係。
嫁太子爺
集郵男女
有「姐仔屠夫」之稱的吳卓羲，嗒過無數花旦姐仔，至於有高層老豆梁家樹睇住的梁靖琪（ Toby），亦出名玩得，二人一拍即合。
吳卓羲
張馨予
10年，拍內地劇集《大丫鬟》時溝掂「 35F乳牛」張馨予，更罕有公開確認對方女友身份，早前卻因吳卓羲被踢爆與富家女互傳情慾短訊，令二人分手。
馬賽
有指吳卓羲睇中馬賽隱形富家女身份， 09年合作拍攝《女王辦公室》曾主動追求，亦有指他入住女方家人持有的何文田帝庭園寓所。
佘詩曼
06年，合作《歲月風雲》撻着，阿佘公然坐吳卓羲大髀，有指阿佘被對方氹掂，送車又送名錶。
黃瑩
有指吳卓羲拍《學警狙擊》時 中 36D大茄黃瑩，女方更被發現出入「唱 K」寓所。
官恩娜
04年，吳卓羲與官恩娜到東莞和菲律賓拍《酒店風雲》外景，被劇組人員踢爆二人經常在對方酒店房短聚，之後官恩娜亦多次被拍到在男友家過夜，二人拍拖兩年。
梁靖琪
蕭正楠
03年，剛出道的 Toby被踢爆與同門師兄蕭正楠拍拖及到男方葵涌寓所過夜，後來有指梁家樹棒打鴛鴦，分手收場。
黃宗澤
04年， Toby與 Bosco到深圳拍《摘星之旅》，有指鬼妹仔性格的 Toby作風主動熱情，即使在鏡頭後，亦以「老公」稱呼 Bosco，更有劇組人員指二人不時齊齊「玩失蹤」。
水戰連場
藝人去到外地，以為無人認得，容易放下警戒，放膽解放。前有張曼玉、章子怡，近有英國王妃凱蒂裸照，轟動全球。
張曼玉
（《忽然 1周》圖片）
04年，張曼玉與鬼佬男友在葡萄牙度假，在酒店泳池水戰追逐，其間 Maggie解開身上的黑 bra搽太陽油，但動作太大露點。
王妃凱蒂
早前英國威廉王子夫婦到法國普羅旺斯度假，被法國雜誌《 Closer》刊登了一批二人在泳池戲水照片，相中的王妃凱蒂半裸上身，與威廉互搽太陽油。
章子怡
09年，章子怡與男友 ViVi到加勒比海度假，在沙灘上演「真人騷」，穿上紅色比堅尼的章子怡曬日光浴時解開泳衣，又將三角泳褲拉低露半股， ViVi見狀，忍唔住將手伸入女友的泳褲內。
偷食人妻
「偷食」唔係男人專利，章小蕙、榮文蔚、謝安琪、黃日華老婆梁潔華等，均被踢爆出軌。
梁潔華
00年，黃日華老婆梁潔華被踢爆背住老公，偷食同是做保險的有婦之夫 Kenny，被拍得駕車到荒山野嶺親熱聊天，再被揭發同遊台灣，更有指黃日華曾經捉姦，事件轟動一時。
榮文蔚
中信泰富前主席榮智健姪女榮文蔚，與老公阮偉文結婚十六年，前年因發現信用卡被盜用，涉及金額三十多萬報警，因而被揭發兩年前背住老公搭上肌肉男顧志雅，更被公開二人去旅行的親密合照。
章小蕙
留言列表
