close
媽咪姐
張嘉兒有驚無險
張嘉兒由 2007年當選港姐冠軍到依家，一直俾人叫做豬扒港姐。不過今時唔同往日，事關嘉兒已經變靚咗。你睇上次出席《飛虎》遊船河，佢一身火辣比堅尼咁有睇頭就知啦！
早兩日，張嘉兒步出 TVB門口，一出嚟就俾個中年阿叔睇中，上下打量一輪之後，竟然從後跟住張嘉兒。好在啱啱有的士落客，張嘉兒二話不說跳上車。以為避過一劫啦，點知阿叔竟然喺袋度拎咗啲嘢出嚟……原來拎咗張白紙攞簽名。不過嘉兒最終冇簽到，請對方食檸檬！
張嘉兒跟友人傾偈時，有位中坑已經打雀咁眼望到實。
其實呢位阿叔長期駐紮電視城門口，一見有靚女藝人就會上前攞簽名。不過嘉兒唔多領情，急急腳上的士走人。
上到的士以為安全啦，估唔到阿叔夾硬頂住的士門，攞住張爛紙問嘉兒攞簽名。
全站熱搜
留言列表
