唔谷肥啲,點同偉仔生蛇 B!(設計對白)
旗下酒吧愈開愈多,身為老闆娘嘅嘉玲梗要同 friend飲酒應酬吓,難怪手臂同腰身都圓晒,叉腰縮肚都幫唔到幾多。

媽咪姐

劉嘉玲噸位夠

2012年08月31日 ~~ 第892期 忽然1周

講起劉嘉玲,媽咪姐就諗起佢做港姐評判,再諗起嗰晚自己對住部 iPhone篤篤篤,但點都投唔到票選三甲,真係火到嚟!喂,我哋香港市民無得全民選特首已經好憤怒,諗住可以一人一票選港姐都好吖,點知又係小圈子!吼!要爆嘞!

Sorry,媽咪姐真係不吐不快,依家講番嘉玲先。話說早前喺銅鑼灣見佢同幾個 friend食飯,忽然發現呢位近年少拍戲、淨係顧住盤酒吧生意嘅影后,發福咗唔少,成個人橫晒!嗰日係夜晚,媽咪姐諗住可能自己睇錯,但港姐決賽當晚( 26/8)再見嘉玲,佢成個人圓碌碌!好彩嘅係,咪咪亦同步增長,老公偉仔應該無投訴。


嘉玲一馬當先,推門嗰吓分分鐘比偉仔做嘅《一代宗師》更有大俠風範,可惜呢件橫間 Tee,就着到佢鬼咁橫,連胸形都出賣埋。


望一望腰位,真係粗到呢!嗰條紅色橫間真係「居功不小」。

arrow
arrow
    全站熱搜

    tvb4life 發表在 痞客邦 留言(0) 人氣()