《今日我至穿》上周三
龍小菌左閃右避唔肯現真身，直至上周三撞到我哋至穿煲，算叻女啦！
《土瓜灣》
網絡蒙面歌手龍小菌噚日喺灣仔出席動漫節，記者一早到佢位於土瓜灣嘅屋企樓下等，到下午一點幾，就見到被傳係佢男友兼經理人嘅邵子風，仲走埋採訪車問係咪記者，冇耐仲報警。
網上流傳龍小菌真身嘅相，同本報影到戴口罩嘅女子（上圖），面形有九成相似。 
龍小菌噚日只係去動漫節，咁使乜包頭上車啫！ 大布包頭衝上車
警察到場都只係叫雙方唔好有碰撞，但係邵子風表現好激動，警察攔住佢都照撞，邵子風話：「我一定唔會畀你影到㗎！」仲跳高阻鏡頭。搞咗10分鐘，一架七人車駛到，用塊大布包頭嘅龍小菌，好似忍者走難咁跳上車去會展。龍小菌上周三戴口罩及鴨舌帽出巡，其實佢都唔使咁神秘，因為網上一早就踢爆話佢真名係蔡小茵，對比番佢網上流傳嘅相，面形輪廓睇嚟至少有九成相似，相信相中人就係龍小菌真身。
採訪：黃曉程、文國駿
攝影：吳耀輝、朱志聰
全站熱搜
留言列表
