冇諗過一嚟就拍劇。(真實對白)
有高層照顧: 黄翠如坦言幸有余詠珊錫,帶佢去見不同的監製及珍姐(曾勵珍),如今一嚟擔正做主角,好多花旦都恨唔到啦。

一朝天子

有線黨攻陷 TVB 黃翠如離奇變女一

2012年08月01日 ~~ 第271期 Face

自王維基的城市電視挖角潮開始,無綫台前幕後嚴重缺人,搞到近期電視經常翻炒同一班人,睇到師奶都嗌悶!
TVB醒水向外招兵,先有「亞視孖寶」陳煒及萬綺雯過檔無綫,近期又有一眾有線及 now藝員加入,叫做換吓血!
其中無綫新紮高層余詠珊昔日一班有線及 now舊愛將,一入 TVB即獲器重有劇開,最受惠的 黄翠如加盟頭炮竟擔任新劇《心路 GPS》(暫名)的女一,據知此舉令到一班喺 TVB等上位的花旦如 黄智雯等眼紅及不滿。一入 TVB就霸靚位,上位快都要睇路。


身為余詠珊愛將,喺早前 TVB晒冷會上,梁嘉琪更進佔第二排有利位置,而 黄翠如則只企第五排,低調啲好。

早有「綜藝女橋王」之稱的余詠珊,自上任無綫非戲劇製作總監,將綜藝節目大改革,變成「女魔頭」,連昔日一班有線及 now電視的舊將,都一併帶入無綫,據知此舉令到部分等上位的小生、花旦甚為不滿!

小花眼紅


TVB姐仔等上位等到頸都長,但 30歲高齡,知名度又低的 黄翠如剛加入無綫即擔正新劇《心路 GPS》的女主角,夥拍力捧小生陳展鵬,擺明有貴人鋪條好路上位。知情者透露:「佢( 黄翠如)之前未做過任何電視劇,一入 TVB就做女主角,有啲姐仔好畀心機做咗好耐,等緊上位做女一,點知無端端殺出咗有線同 now嘅人喺無綫爭食,梗係唔鍾意啦!」
據聞不滿的小花當中包括 黄智雯及蔣家旻等, 黄智雯話:「我就冇表達過呢樣嘢(不滿),其實仲好啦,多啲人有多啲火花及新鮮感啦!」而蔣家旻則說:「其實都冇得控制啦,都唔輪到我話事,做咁耐知自己個位喺邊,我又未必做到成熟嘅角色,有線嗰啲(藝員)比較成熟,我諗對我唔係太大影響!」


我冇表示過(不滿)。(真實對白)
29歲 黄智雯喺 TVB捱足 5年,上年先憑關二嫂成功上到二線,不過撈得耐,有幾不滿都唔會講你知。


都冇得揀嘅!(真實對白)
一樣喺 TVB捱咗 5年,不過得 22歲女嘅蔣家旻就冇 黄智雯咁老練,講嘢都直啲!

冇諗過做主角


黄翠如入行 9年最出名都係於有線擔任主持及旅遊節目,一入無綫就升呢,黃翠如就醒目女話:「我入 TVB開頭都以為係做主持先,冇諗過一嚟拍劇,(有人妒忌你一入 TVB就做女主角?)我冇聽過亦感受唔到,其實呢套劇司棋姐同秀珠姐先係女主角,要數排隊都未輪到我。(有冇被人排擠吖?)講真冇喎, TVB嘅人真係好好,先係兩位阿姐教我做戲,又有藝員朋友帶我參觀 TVB,教我點行入面嘅路,最溫暖係有人知我住得遠,同我講夜咗可以去住喺將軍澳嘅同事屋企留宿,勁溫暖吖!」遲啲你就知!


變節小花
有「有線之花」之稱的黃翠如,喺有線前後做咗近 9年,雖一度過檔 now後重返有線,是娛樂台 icon,而 黄翠如話變節前亦問過有線高層嘅意見,話歡迎佢過檔學新嘢喎!


梁嘉琪都做女二
與 黄翠如同為有線出身的好姊妹, 31歲梁嘉琪喺《心》劇亦飾演翠如好友,衰衰哋都叫第二女主角。

余黨入侵


「殼王」陳國強入主無綫後,重用余詠珊之餘,連帶余詠珊於有線電視所創立的「娛樂台」,培育出的舊愛將多獲邀加盟無綫,更因余詠珊的關係而獲優待。


無綫非戲劇製作總監余詠珊


余詠珊得寵,有傳樂易玲將跟隨方逸華調往邵氏電影部,不過當事人例牌唔認。




洪永城
曾為有線及 now拍攝旅遊節目,過檔無綫即獲欽點主持 5集旅遊節目《走過烽火大地》,安排 10月份成台慶獻禮節目。




陸浩明
一直於有線的娛樂台擔任男主持的陸浩明,亦有傳將加盟無綫,有待稍後落實。




梁嘉琪
07年已加入無綫, 08年拍《學警狙擊》做女三稍被注意,其後未受重用,最近終可在《回到三國》中飾林峯的妻子。新鮮熱辣得余詠珊關照,在新劇做女二添。

「橋后」冇新意


有「綜藝女橋王」之稱的余詠珊,自掌舵非戲劇部後,主理的節目雖有新氣象,成功製造話題,可惜收視一般,雷聲大雨點小。


《 2012香港小姐競選》首以真人騷形式進行,不公平賽制鬧得滿城風雨,節目平均收視 17點。


《翡翠歌星紅白鬥》參考日本《紅白歌唱大賽》,可惜同四大唱片未傾掂數,當晚平均得 19點收視。


《玩轉三周 1/2》出動全台藝人,勞師動眾拍足十三、四個鐘,重演昔日台慶趣劇,雖平均收視 30點,但創意零分,一味懷舊。

arrow
arrow
    全站熱搜

    tvb4life 發表在 痞客邦 留言(0) 人氣()