大石責死蟹!(真實對白)
鄭經翰連日在電台批評新政府班底及特首梁振英,疑終受政治打壓,數碼廣播電台隨時倒閉,大班回應話:「會諗辦法!但我仍然會 喺節目繼續鬧!」

收聲

接死亡恐嚇 股東跳船 鄭經翰:共產黨對付你點避

2012年08月01日 ~~ 第271期 Face

由大班鄭經翰創辦的數碼廣播電台( dbc)因股東意見出現分歧,有傳部分股東不願再揼水,開業大半年面臨清盤,大班日前在報章專欄撰文,大爆「幕後黑手」是行會成員羅范椒芬,文中更指有「另一股更龐大的政治勢力」有意扼殺該台發展,言之鑿鑿惹人猜疑。
據知早於兩個多星期前,大班更接到死亡恐嚇電話,對方揚言「要斬死你」,大班生命再受威脅已報警。日前他接受本刊訪問時語帶激動:「共產黨要對付你點避?」電台告急,呢鋪名嘴都保唔住!

去年才啟播的數碼廣播電台( dbc),近日傳出有股東疑受政治壓力打算閂水喉,拒絕再注資 1.5億引發一場封台風波,鄭大班更忍唔住大爆內幕,指「幕後黑手」是梁振英愛將兼行會成員羅范椒芬,目的是不能讓抨擊梁振英的 dbc坐大;大班又稱背後有「更龐大的政治勢力」施壓,電台隨時倒閉。

「投資錯誤」


27/7拆彈
上週五( 27日)大班召開董事會後見傳媒,證實各董事在注資及營運方向意見分歧,將再開會尋求解決方法,保障股東、員工及公眾利益。

持股 20%的全國政協黃楚標被指是有意跳船的股東之一,上週五( 27日)他表示當初是投資錯誤,對於受到政治壓力, 黄楚標回應:「點有能力干預?當初諗住好似商台咁一年賺幾億,但計埋今次已經出 2億,咁掟錢落去邊係辦法,一開始講 1億就夠,之後又加 5千萬、又加 5千萬,愈踩愈深,佢一年搵唔搵到 1億廣告?」同樣持股 20%的鄭經翰面臨電台倒閉之際,最近更接連收到恐嚇電話,對方聲稱要斬死鄭大班。

要斬死你


死過翻生
鄭經翰 98年 8月 19日早上返商台上班時,被兇徒襲擊身中 8刀,手筋被斬斷,住院兩個月才逐漸康復,如今再被恐嚇,咪話唔驚!《蘋果日報》圖片

大班上週六( 28日)電話回應本刊時語帶激動:「 嗰個人 喺兩日裏面打 咗 4個電話 嚟,要脅:『斬死你,唔好以為自己點點點…』內容係乜唔講得,因為報 咗警,警方叫我唔好講。(對方有冇自稱係邊個?)唔知,佢打 嚟電台 hotline, hotline同事報警 嘅, 嗰個人冇叫我唔好報警。」雖然 98年大班曾在商台門外被兇徒斬至重傷,至今仍未破案,但他似乎冇有怕:「我冇請保鑣 㗎,冇得避!」
至於電台陷入危機,大班感無奈:「唔只失望,直頭冇橋!一個人點同國家鬥?大石責死蟹,共產黨要對付你點避?當然曾蔭權做特首 嗰陣唔敢蝦我,家梁振英就梗係咁做啦,我成日 喺節目鬧佢!黃楚標唔肯夾錢,做生意梗係要夾錢,個台 啱 啱開,點會有錢賺?最初已講好今年 6月要再注資億五 㗎啦,講多都多餘!」保住個台同保住條命都好緊要 㗎大班!

台柱力撐




陳海琪《海琪的天空》
就算 dbc係鐵達尼,我會為佢拉小提琴拉到最後一刻為止!


林旭華《風波裏的茶杯》
大班想為民主發聲,但開台以來一直受政治壓力,有 啲股東只係想賺錢。


陳永業《音樂真情人》
好支持大班,對呢件事好樂觀,因信大班有魄力可解決問題!


洪朝豐《子夜詩》(已離職)
離開 dbc後我生活有好大變化,唔想再提舊公司同大班喇!

打定輸數


上週五( 27日)傳出數碼廣播電台有封台危機後,大班即日開記招兼發聲明解畫,聲明直指有人「別有用心」、「達成其不可告人目的」,其後大班接受本刊訪問時,更說:「一個人點同國家鬥?」似乎打定輸數!


記者會後大班發出聲明,稱會盡快聯絡不在港的股東包括李國寶、 黄楚標等,進行斡旋,以確保 dbc繼續營運,大班仍未想放棄。


股東停揼水
dbc於今年 2月舉行啟用禮,被傳親唐英年的股東兼全國政協黃楚標(左二)亦有出席,但有傳最近黃楚標拒絕再注資電台,令人懷疑受政治打壓。

插狼冇運行


《蘋果日報》圖片

特首選戰期間,有傳鄭經翰的數碼廣播「攬唐棄梁」,及後梁振英當選特首,鄭經翰曾邀請唐英年開咪(圖),又多次在節目中用嬉笑怒罵的方式批評梁振英及其班子,有人想他收口並不出奇。

僭建大話精
梁振英大宅僭建,大話連篇,掩飾真相!選舉時佢鬧唐英年隱瞞僭建係誠信問題,家有口話人,冇口話自己!

寸羅范陰濕
羅太(羅范椒芬候任特首辦主任期間)「未登天子位,先置殺人刀」,未係政府官員就同政制及內地事務局長譚志源咬耳仔,唔得了喇今次!

講林鄭送死
梁振英搵吹水娥(大班在節目中為林鄭月娥改的花名)做政務司司長,畀 啲棘手 嘢佢搞,例如 啲 23條呀、咩政制改革,擺明貪佢民望高,送佢去死 啫!

追究李旺陽
李旺陽,中共已經毀屍滅跡啦,李旺陽身為工會領袖,坐 咗 21年監,入去好哋哋,出 嚟眼又盲、耳又聾、手腳殘廢,梁振英作為一個政府應該要追究!

arrow
arrow
    全站熱搜

    tvb4life 發表在 痞客邦 留言(0) 人氣()