郭政鴻同吳卓羲因拍劇成為沙煲兄弟,更會相約到私竇狂歡,據聞兩人酒量很好,常常劈天光。本刊致電郭政鴻求證到鐵竇 mark女一事,他電話直接飛到留言;而吳卓羲的手機亦長響。《蘋果日報》圖片

封面

孖郭政鴻縱慾 吳卓羲中環鐵竇 mark女

2012年08月01日 ~~ 第271期 Face

無 綫 3小生吳卓羲、 黄宗澤和林峯連環被爆情慾史,吳卓羲更有情慾錄音真人發聲。牛唔飲水點 㩒得牛頭低? 3小生頭痕之餘,據知無 綫高層樂易玲亦將出招,會先炮製吳卓羲,殺一儆百。
據知,好色 3兄弟中,以吳卓羲玩得最狼死,除了同 Edison一樣有儲相癮外,仲經常留連艷女夜場。本刊收到可靠消息,指今年 1月,吳卓羲曾孖住郭政鴻到位於中環的新鐵竇「 Embassy」 mark女狂歡。此新場女伴唱陪坐 15分鐘只收$800起,出街食宵夜也只是每粒鐘$1,000起。收費唔算貴,吳卓羲真識玩!


好色三兄弟
王宗澤、吳卓羲同林峯上星期齊齊被揭桃色醜聞,真係好色不離三兄弟!

吳卓羲桃花劫,與張馨予感情糾纏不清,又傳出同時搭上富家女「 X小姐」,上星期被公開情慾短訊、微信錄音及半裸照。張馨予因此公開宣布跟吳卓羲一刀兩斷,痛洗「 Ron」紋身。愈爆愈多,原來今年 1月,唱 K仲瞞住張馨予於中環鐵竇攬女唱 K。




吳卓羲與內地「乳神」張馨予的戀情拉鋸多時,女方經常施壓迫認名分,幾乎每個月都在微博施苦肉計,兩星期前,吳卓羲一反常態,開名確認女友及發表肉麻宣言:「大家愛大家咪得囉。」震驚全場!


可惜事隔一星期,吳卓羲被爆情慾錄音,與張馨予宣告玩完。

張馨予被指戀上內地當紅小生李晨,她在微博亦承認有新戀情,並表示已找到對的人,更決心洗掉「 RON」字愛的紋身,浴火重生。


網上圖片



搵女坐枱


藝人私竇一直長開長有,位於中環泛海大廈的 Embassy,於去年 6月正式開幕,講到明只歡迎明星名人「試玩」,希望藉此打響招牌,升呢做星竇。
據知,試業初期,已有不少明星幫襯。知情人士說︰「其實 club入面上至經理、下至執房都知係明星竇,所以見到明星都唔會表現得好驚奇。 1月中,吳卓羲同郭政鴻一齊上 嚟,佢哋試 咗幾 round女,成晚唱 K劈酒,班女 high晒,玩到 4點幾,之後仲有去宵夜,有冇下文就唔知喇……」
據知已婚郭政鴻是私竇通,港九的私竇他都有門路,凡有新場,當然介紹畀兄弟幫。「多數都係郭政鴻帶路,前排就同 Ron玩得最埋, Bosco就冇見好耐喇,而林峯就最安全,近年甚少出現夜場,多數都只會去私竇,仲要睇吓有咩人先去。」熟悉蒲界人士透露。

星級鐵竇保安嚴


本刊曾嘗試去吳卓羲及郭政鴻夜蒲的私竇 Embassy,但到達大廈門外,已經給管理員截停,指 Embassy只招待會員。此私竇亦設有網站,最「騎呢」在「倩影麗人」名單上有不少性感女郎的照片。記者亦曾嘗試致電訂 枱,但一直都是留言信箱,亦一直沒有回覆。據聞想踏入此鐵竇,除非是老闆朋友,其他一律要以客人介紹客人的方法入會,以確保安全。
雖保安嚴密,但收費比一般夜總會低,卡拉 OK房開支「黑牌」都只需$1,280,當然,其他服務和頂級酒水另計,例如陪唱小姐頭 15分鐘收費$800。不同其他夜總會, Embassy的小姐多為「優質陀地」,有些更是大學生。一名員工私下向本刊透露:「老闆有娛圈背景,話明唔做 cheap場,唔要內地佳麗,聽過有人畀貼士都過萬。」

𡃁模陪開幕


網上圖片

6月 Embassy開幕時,「中巴」鄺敏慧(左一)及「 E cup超蓮」鍾采羲( Iris)擔任剪綵嘉賓。本刊致電鍾采羲經理人施念慈,她說鍾采羲唔識 Embassy老闆,是阮文安(左一)以幾千蚊利是請佢去做嘉賓。

7間 VIP房




位於中環泛海大廈的 Embassy,大廈門口沒有招牌,只做熟客生意。


鐵竇備有 7間 VIP房,每房皆設有獨立廁所和隔音設計,在網站上更列明「本會所會提供具有質素的女伴唱與客人一起高歌玩樂」。

索女任揀


網站更有「倩影麗人」供客人揀女,當中不乏身材迫爆的私影模。網上圖片

「倩影麗人」名單亦發現著名「私影模」王玉冰( Vanessa)和 Lanna Chow的性感相,本刊曾致電 Embassy找 Vanessa及其他「麗人」,但接聽電話的男職員晦氣說:「冇呢個人。」

官恩娜心涼唱 K




正當吳卓羲周身蟻,身在澳洲的過氣緋聞女友官恩娜竟然踩多腳!上週三凌晨在微博上說﹕「今天看新聞!才知道世人終於知道真相了!我也愛過疼過!最終都是受傷離場……。」留言一出,引來大批網友熱烈回應,不少更表示支持官恩娜。不過,事後官恩娜可能為免生事端,已刪除留言。
但飛往澳洲前,少有出現夜店的 Ella,竟撇低男友,與一位女友人飲酒唱 K(右圖),玩到 4點先捨得走,仲不時細聲講、大聲笑,唔通預先知道負心漢落得如此收場?

落胡杏兒面
黃宗澤周圍溝花旦


吳卓羲鐵竇 mark女,另一兄弟 黄宗澤則與拍拖 8年的胡杏兒驚爆分手,轟動娛樂圈,杏兒出席活動時傷心得三度落淚,但堅拒回應男方是否有第三者。但同時,亦有指今年初,杏兒在蘇州拍電視劇《金玉滿堂》跟「台視一哥」黃少祺很投契,故準備迎接新戀情而「斬纜」。
Bosco表白要等杏兒回頭,甚至以死來保護杏兒免受傷害,此舉就算救不了這段感情,起碼免被列入「賤男」行列。
杏兒和 Bosco拍拖 8年,中間的確出現不只一位「第三者」,尤其是男方,據知 09年與梁靖琪撻着,在電視城已是公開秘密,但杏兒都選擇隻眼開、隻眼閉。知情人士說︰「杏兒一向要面,唔輸得。 Toby之後, Bosco身邊仲出現多一位花旦,仲俾杏兒當場斷正過。」據悉這位「第三者」屬半個無 綫藝人,即是簽部頭的女星。
而今年 2月,本刊記者曾經在九龍塘一間火鍋店撞見 Bosco,當晚只有他與經理人, 2個麻甩佬在 VIP房,開了一支紅酒,當時笑問 Bosco為什麼飲悶酒?他只笑不答,原來當時他已經跟杏兒鬧分手。知情人士說︰「講真,拍拖 8年喇, Bosco初時都仲係花弗,但呢 2年已經修心養性,反而女方拎 咗視后,覺得 Bosco高攀唔起。」


Bosco飛到台灣拍攝《麵包樹上的女人》,在機場全程零笑容兼面容憔悴。


本週一,胡杏兒出席《怒火街頭 2》首播活動時,問她是否已搬離火炭晉名峰愛巢,佢話:「唔係愛巢,屋企嚟啫,未諗到搬。」至於 Bosco仲有冇搵佢,杏兒只係話:「畀啲空間大家啦!」


Bosco直言頒獎禮時,兩人感情已出現問題,但杏兒卻否認,究竟邊個真?邊個假?


去年 3月,本刊拍得 Bosco和胡杏兒拍拖去銀行,據知當時杏兒要求開一個聯名戶口,但當中儲存的 100萬,據知全數都是由 Bosco供奉,杏兒數口真係精!

王祖藍鐵竇捧場:去搵舞小姐!


除了郭政鴻、吳卓羲外,形象健康的王祖藍和人夫杜汶澤都有到過中環的鐵竇,不過兩人都是與電影公司的老闆 social,冇亂 嚟!本週一,記者到無 綫找王祖藍問他回應,他承認有去過 Embassy,仲好講笑咁話︰「係呀,係呀,太悶咪去搵舞小姐囉。」

當記者問及郭政鴻、吳卓羲都是客仔之後,祖藍就 get到唔講得笑,只說︰「唔知呀,拜拜!」佢亦透過短訊回覆本刊指自己去 Embassy搵小姐。講笑啫!






今年 2月,杜汶澤與一班電影老闆到 Embassy,據知只是商討劇本,田蕊妮可以放心。阿澤至截稿前仍未回覆本刊。





樂大媽棄「 K」保「澤」




作為吳卓羲和黃宗澤「阿媽」的樂易玲,吳卓羲出事至今,都冇「幫口」,據知樂大媽對情慾錄音一事頗為激動,正考慮「急凍」吳卓羲。而同一時間,樂大媽力撐 Bosco並非外傳般花弗,還一直想與杏兒結婚,更透露 Bosco為失戀事痛哭,聲言會等杏兒回心轉意,並願意一力承擔外間的負面攻擊;而無綫電視子公司正視音樂的總監鄧智偉亦幫口指 Bosco情緒不穩,試過在窗邊呆望 1小時,身邊朋友甚為擔心。

連環食女


8年前,黃宗澤拍《我的野蠻奶奶》時,與胡杏兒日對夜對終於撻着。不過多年來 Bosco都一直喺外面喪女,個個有樣有身材,認真識食。

'12柳岩


《蘋果日報》圖片

今年 Bosco北上拍大陸劇《麵包樹上的女人》,與大陸演員、擁有 34E身材嘅柳岩有唔少親熱戲,仲暗中撻着,最大嫌疑,不過柳岩否認:「沒有這回事,我只是客串,沒有他( Bosco)電話,也沒有關注他的微博。

'11肥監製小花


《蘋果日報》圖片

黃宗澤識食,早已在圈中出晒名,除咗 TVB花旦,佢嘅監製死黨錢國偉同佢夜蒲時,亦帶唔少 𡃁模畀佢認識,仲玩失蹤,但 Bosco好識玩,玩幾次就唔搵人,以免上身。

'09梁靖琪


《忽然 1周》圖片

同 Toby合作 TVB劇《摘星之旅》扮夫妻,有傳 2人去深圳拍外景時,私底下竟以老公老婆相稱,更有工作人員爆料,指 2人拍劇期間經常一齊玩失蹤。

'08倪晨曦


網上圖片

Bosco去多倫多做華裔小姐嘉賓時,中華姐倪晨曦,唔只主動讚倪晨曦靚女,之後更攞埋電話號碼,而女方嘅 fb亦唔避嫌放上 2人嘟嘴照,關係匪淺。

'06周麗淇


《忽然 1周》圖片

據知最近拆散黃宗澤同胡杏兒的第三者是半個 TVB藝人。周麗淇多年前與 Bosco曾一齊拍劇, 06年兩人一齊去日本拍《最美麗的第七天》,於宣傳活動上亦不避嫌玩得好埋。

林峯連嗒 2國產妹


至於率先被內地大胸女星潘霜霜玩殘的林峯,最近被拍得與 18歲的影壇新貴吳千語撐 枱腳,上星期即揭發佢同內地女星劉羽琦原來有一手。劉羽琦先後於微博留言,上週五( 27日)更於微博說:「每個人都有自己的忍耐極限,不要再逼我!」
據知「峯羽」去年於北京認識,在某人的生日上首次見面,交換電話後,林峯更發動短訊攻勢,火速氹掂劉羽琦。至去年底,劉羽琦更在林峯娘家廈門過聖誕,可是「峯羽戀」爆出不久,林峯即時否認兼表明不再回應。激到劉羽琦公開力數,說自己愛錯了,還對記者暗寸林峯是花心視帝,她更在微博大反擊。「我不是嫩模,不會靠出賣別人上位,一直腳踏實地做事,靠也靠自己的實力,而且除了自己,誰也靠不住!我雖然是藝人,但也是個女人,也有愛的人,也會愛錯人,但至少她會做一個坦蕩的人。」好色不離三兄弟,出得嚟行,預咗還啦!


林峯偷嗒 18歲浙江出生的吳千語,兩人在《女人如衣服》活動連合照都冇,卻私下撐枱腳,認真莫名其妙。


劉羽琦鬧花心
劉羽琦有份演出的《喜愛夜蒲 2》快將上映,於片中她跟沈震軒有一場激烈「野戰」。


自上年跟潘霜霜的「床照」流出後,林峯形象插水,不足 1年,又爆出另外 2個國產妹。網上圖片


劉羽琦被拍得於林峯位於半山帝景園的屋企樓下出現,有指當日佢由林峯堂妹林夏薇接上林峯屋企。《蘋果日報》圖片



夜場殺手


Bosco唔只識食,仲鍾意夜蒲,而同佢老友鬼鬼嘅林峯、吳卓羲甚至郭政鴻,都經常被踢爆夜蒲,而且最鍾意幫襯私竇,貪嗰度只招待熟人,傳媒好難影到。

吳卓羲 林峯
玩 10粒鐘


《忽然 1周》圖片

07年年頭,吳卓羲帶埋兄弟林峯同傳過緋聞嘅 Toby梁靖琪,一齊去到銅鑼灣洪天明經營嘅 Basement夜蒲,由凌晨 2點半一直蒲到朝早 11點鐘,玩咗接近 10小時,唔願走。

郭政鴻 馬德鐘
夜場孖寶


《忽然 1周》圖片

08年,馬德鐘未全身北上搵人仔前,經常孖住老友郭政鴻蒲 Basement,蒲之前兩個人鬼咁斯文,但一 high起上嚟就吐口水,好冇蒲品。

黄宗澤單拖喪玩




08年 黄宗澤雖然已同胡杏兒拍拖,但一樣被人影到去銅鑼灣霎東街嘅上樓吧「 Bright」玩樂,雖然單拖到場,但一樣玩足 5粒鐘,踩到凌晨 3點先走。

林峯愛蒲天光


《忽然 1周》圖片

04年 5月,林峯去到佐敦一間叫「十八天地」嘅夜總會玩樂,當晚一班 TVB蒲精吳家樂、洪天明等亦有在場,不過只得林峯蒲到天光先走,走時仲同個睇場大漢搭晒膊頭,明顯係常客。

arrow
arrow
    全站熱搜

    tvb4life 發表在 痞客邦 留言(0) 人氣()