媽咪姐
要印傭 瞓廁所 Purple姐姐連衰兩鑊
媽咪姐幾時都話，做人要過得人過得自己，就好似兒歌天后 Purple姐姐（李紫昕），前幾日幫報紙做 咗個家居訪問，大晒 1,800呎大屋有幾靚，樂器有幾矜貴。不過 sorry囉， 啲相出到街，人人焦點都放 喺佢工人張 牀度，事關張 牀竟然放 咗喺馬桶上面！絕成咁，難怪全城插佢刻薄之餘，有網民仲搵入境處介入調查，真係捉蟲捉到正！
俾網友洗板式鬧完之後， Purple姐姐亦即時補鑊，喺微博上載一張工人半倚牀邊睇書嘅相，更澄清之前報道只係一場美麗的誤會。可惜話咁快就俾眼利 嘅網友踢爆，指佢上個月自拍 嘅腳部特寫，其 牀單同周邊環境正正同工人姐姐 嘅一樣，唔通 Purple姐姐同工人孖鋪咩？講到呢度，媽咪姐都無話好說，只可以話，若要人不知，唔好太低 B囉！
網友憤怒插爆
網友戥印傭不值，直指 Purple姐姐為挽救形象先叫工人一齊做戲扮無事發生。
工人突然有房瞓
因做家居訪問而被揭發刻薄工人嘅 Purple姐姐即時補鑊，影咗張工人倚牀睇書嘅相，仲話房間係工人所瞓嘅地方，堅稱自己冇刻薄工人。
牀單同工人一樣
不過回顧過往嘅微博，不難發現 Purple姐姐所瞓嘅牀竟然同以上工人所瞓嘅一樣。世事又有冇咁啱得咁蹺呢？
全站熱搜
留言列表
