師兄與何詩相識 15年，何詩又與祖兒相戀 10年，分手後由師兄接棒發展「祖師戀」， 3人關係峰迴路轉，好睇過電視劇，不過何詩卻因小器與一班好友反面收場，如今愛情、友誼受盡考驗。

封面

溝過阿 Sa　胡敏珊接濟　劉浩龍高攀容祖兒


今年 2月，本刊率先踢爆何韻詩撻着「 12金釵」之一的路嘉欣，祖兒忍痛斬斷 10年情，由好友變密友的劉浩龍乘機發功，最終在本月初成功溝掂天后，上週即興同遊泰國，感情一日千里。雖然全城圍插師兄高攀唔起，但好耐未聞過男人除的祖兒就大唱反調，向身邊友人說︰「佢真係好 man、好肯承擔，我冇揀錯人。」
查實 36歲劉浩龍個底出名花，早於 03年，仲早過鄭中基溝阿 Sa，但好快阿 Sa就轉投鄭中基；之後師兄同鄭融拍拖，戀情令 2人星途停滯，當時師兄維持量地狀態，幸得鐘表界女王胡敏珊接濟做 sales「行街」賣表。不過，師兄口技了得，把口口浪過油，而且天后又 dry爆，各方面啱晒 timing，一拍即合。

「祖師戀」爆出後，本週一祖兒首次現身回應，被 Mani踢爆成晚冇 瞓，似乎對外間的反應相當緊張，不過祖兒全程保持笑容，蜜運心情特別靚，當日祖兒同浩龍舊愛鄭融同台受訪，不過二人互當透明。

「希望大家細心睇封信，所有想講都講晒，我 喺個廳諗 咗幾個鐘先寫，（師兄公開 咗會否唔開心？）冇唔開心，入行咁耐，知道自己做緊乜、發生緊咩事，希望低調處理。（點解師兄突然封嘴？）可能佢覺得講夠 啩，其實呢幾日我都唔想聽電話，又唔係大事，好小事，多謝大家關心，我個心打開 咗， welcome迎接新生活，但唔能夠每樣 嘢都同大家分享。（何韻詩呢？）我哋永遠都係好朋友，總之我遇到真命天子，要結婚，一定通知大家，請大家飲。」


25/6最新圖片


本週日被指戴黑超扮大牌後，師兄知衰，週一為新劇開工「四萬」上身，雖然不再為戀情回應，但問咩都以笑回應。


Joey親筆剖白

上週二（ 19日），剛開始拍拖的祖兒和師兄， 1行 6人暢遊泰國，拍拖兼慶祝祖兒 32歲生日，到週五有報章踢爆「祖師戀」，同日師兄即單方面承認戀情，並強調兩人是由單身開始，矛頭直指連日來在微博發功扮被橫刀奪愛的何韻詩。 

把    過油


去年聖誕節，師兄、何詩和祖兒（箭嘴）還三人行開 P，直至 6月為祖兒慶祝生日三人再次碰頭，據聞當日祖兒和師兄才向何詩告白。

去年何詩與「 12金釵」的路嘉欣行埋後，祖兒馬上提出分手，但何詩仍然窮追不捨要求復合，而祖兒卻使出拖字訣；同一時間，亦有另 1位追求者——新晉 MV導演 Heison出現。知情人士說︰「祖兒冇留戀阿詩，只係太多年感情喇，唔想連朋友都冇得做，而 Heison呢，佢哋的確係有火花，亦認定 咗 啲 嘢，不過祖兒遲遲唔肯同佢開始。」
祖兒與何詩分手後，身邊好友輪流陪伴在旁，而師兄每次都出現，由幫祖兒分析、安慰、到追求，只有短短幾個月時間，最重要的是，把口   過油的師兄， 氹得祖兒非常開心。
其實今年初，祖兒與友人於飯局上，祖兒已向友人呻少人追。事後有人向師兄「通水」，師兄隨即打蛇隨棍上，於 4月開始向祖兒展開追求，初時只會發 WhatsApp，後來會每日都通電話，由幾人聚會開始變成二人聚會；直至 5月，師兄膽粗粗向祖兒表白，祖兒便一口應承了。
對於「祖師戀」，英皇採取觀望態度，但已分別向師兄、祖兒，甚至師兄前度鄭融的公司 Neway施壓，希望各人盡量低調。所以到週日，師兄到迪士尼出席步行禮亦忽然封口不提。 

撻着 2個月


容祖兒同何韻詩 嘅親密朋友身份，多年來傳極都冇人肯親口承認。誰不知，二人十三年來的「深厚」友誼去年尾現危機，今年即刻被「好兄弟」劉浩龍攝入，短短 2個月拗直祖兒見埋光，速度快過穿梭機！


4月 19日曖昧串燒
劉浩龍與容祖兒十多年好友，今年初開始出手追求，四月底終於獲得單獨約會機會，被拍到二人在跑馬地拍拖歎串燒。《蘋果日報》圖片


5月 21日 Wyman做媒
劉浩龍追女之意，祖兒密友黃偉文明白不過， 43歲生日飯局， Wyman就推波助瀾製造相處機會，還向祖兒推薦師兄好仔。網上圖片


6月 16日牛一示愛
容祖兒牛一，前一晚與圈中友人唱 K慶祝，劉浩龍在派對上當眾示愛，經過一輪觀察，祖兒終於接受，還即晚在微博抒發感言：「我感受到無比的愛！」網上圖片


6月 18日瓊姐爆料
高登討論區活躍嘅「英皇打手」瓊姐，於 6月 18日發帖，率先爆出劉浩龍示愛成功，何韻詩及劉浩龍反面互相取消微博關注。


6月 19日二人世界
616示愛成功，為愛情踏出一小步的容祖兒 619即時邁出一大步，與師兄一行 6人秘遊泰國蘇梅島。回港當日，即有市民爆料指女搭商務、男捱經濟艙。


6月 22日師兄公開
6月 21日有報道揭發「祖師戀」，同日劉浩龍出席城市電訊劇集《第二人生》記者會時公認戀情：「我好喜歡祖兒！」霉足十幾年嘅浩龍，從此變「巨星」。《蘋果日報》圖片

溝阿 Sa黐胡敏珊


其實祖兒身邊亦有反對聲音，大多都指師兄是「溝女王」，不過估都估唔到，師兄女友關係圖中，竟有祖兒的好姊妹阿 Sa蔡卓妍。
據知， 03年師兄認識當時初入行的阿 Sa，師兄經常以「師兄」的口吻教阿 Sa，但好快 Twins就上位，兩人交往只維持了 2、 3個月，直至阿 Sa拍攝《追擊八月十五》與鄭中基撻着，師兄才死心。知情人士說︰「 Twins紅得好快，初初一齊就話兩個都係新人，但好快阿 Sa就覺得唔係 嗰回事。」自 01年滿約華星，師兄一直未有唱片公司邀他簽約，只靠客串電影和主持維持生計，其後他更有半年時間忽然到外地「人間蒸發」，連身邊朋友都失去聯絡。過了大約半年，盛傳師兄「回流」後，經 Wyman和 Marianne（梅艷芳生前經理人）介紹下，認識了鐘表界女強人胡敏珊，胡當時甚欣賞師兄「把口好 talk得」，於是便請了師兄做 sales，專 sell明星客仔，兩人純屬賓主關係，約 1年後師兄與正東唱片簽約，終於有機會出碟，才不用做行街 sales賣表。本刊週一（ 25日）致電胡敏珊，但聯絡不上。


女人緣勁
03年師兄狂追阿 Sa，兩人暗交了一段短時間，到 05年師兄開始於樂壇有些成績，於「十大中文金曲」頒獎禮上奪得「卓越表現銀獎」，但 Twins已經得到「全國最受歡迎歌手獎（組合）金獎」。


03年阿 Sa拍《追擊八月十五》期間同鄭中基撻着，即飛甩師兄。《忽然 1周》圖片


阿 Sa是祖兒的好姊妹，「祖師戀」爆出，阿 Sa冇小器，第一時間於微博力撐。


有機會出碟做歌手之後，雖然師兄冇再做 sales，但與胡敏珊成為好友，不過 08年二人出席何詩嘅展覽活動時則交流不多。


去年 6月，師兄被影到與 Janice Man撐 枱腳食麻辣火鍋，兩人否認戀情。《蘋果日報》圖片


04年，師兄於事業最倒霉時跟鄭融拍拖，而鄭融於本週一出席《紅白》時說︰「公司之間協議 咗，唔答喇，總之同祖兒合照唔會尷尬。」《蘋果日報》圖片

導演白等


日喊夜喊俾老友出賣，何韻詩被踢爆早 喺二月就結識舞台劇新歡鄧九雲，明抽「祖師戀」水博同情，不知幾咁風流快活，實情祖師戀背後，真正受傷的另有其人。
劉浩龍公布戀祖宣言當日， MV導演 Heison Ng即 喺 facebook留言：「極度失望，再見了！」一小時後又再補充：「甚麼甚麼原因都是謊話，原來被出賣的感覺是這樣，我要好好記着今天。」據知情人士透露， Heison一直是祖兒朋友圈內密友，去年底祖兒、何韻詩分手後即向祖兒展開追求，甜言蜜語陪睇騷送外賣等等，使盡觀音兵攻勢後，得到祖兒 嘅回覆係：「我可以同你開始，但係我 o依家仲未接受到同男人一齊，等多我一段時間……」 Heison自以為勝利在望、乖乖等待，點知祖兒被師兄捷足先登，難怪 Heison要喺社交網站公開受傷啦。




一心以為叫糊的 Heison（中），去年底仲幫祖兒拍 MV，可是最終食詐糊，於 facebook寸爆祖兒。





何詩急停箍煲團


其實祖兒選擇師兄，圍內好友都不是太大反應，亦是預料中事，相反，何詩在祖兒生日 P上得知二人拍拖後， 6月 17日於微博寫上「能毫不費勁一刀直插心臟的，往往是你以為最能信任的人……」據知，其實何詩並非指師兄一人，同時亦是指扮演「紅娘」和「無間道」的 Wyman。
何詩與祖兒分手之後， Wyman不停向何詩報告祖兒身邊出現的追求者，其中之一位就是師兄；但另一方面， Wyman亦向祖兒硬 sell師兄，不時拉攏聚會，何詩得知後當然嬲爆。知情人續說︰「阿詩估唔到 Wyman咁做，不過，其實佢哋都分開 咗，阿詩咁樣扮慘，圍內 啲 friend都覺得佢好小家！其實原先阿詩仲諗住完晒《賈寶玉》巡迴， 8月同祖兒去旅行當箍煲， o依家梗係唔使去啦！」據知，事發之後，何詩更發了一個短訊給東亞唱片公司高層陳志光，內容說自己心情好低落，不想再繼續唱歌，而陳立即叫郭啟華善後，安撫突然變成受害者的何詩。
其實何詩絕對是不愁寂寞，與路嘉欣的戀情維持了半年，很快便與另一「十二金釵」的台女鄧九雲搭上，台前幕後都睇得出，雖然有指她於祖兒生日 P後便飛到台灣散心，但有讀者爆料，上週目睹何詩與一名長髮女子在貝沙灣的百佳入貨，兩人以國語對答，之後便一起返回何詩居住的樓層，似乎已是半同居的關係。
本週一（ 25日），祖兒首度現身為戀情解畫，出席《 2012翡翠歌星紅白鬥》記招向傳媒交代，「我個心打開 咗， welcome迎接新生活，但唔能夠每樣 嘢都同大家分享。(何韻詩呢？)我哋永遠都係好朋友，總之我遇到真命天子，要結婚，一定通知大家，請大家飲。」祖兒答得大方，證明已經肯定師兄地位，師兄今次真係得米。


何詩溝新女同居貝沙灣
右：鄧九雲
網上圖片


台灣妹鄧九雲成功取代路嘉欣成為何詩新寵，今年初開始，鄧九雲不時上載與何詩的合照，何詩仲轉發鄧九雲的肉麻情詩，擺明挑戰祖兒的底線。



富貴何詩




曾經傳過緋聞，其後稱兄道弟的師兄和何詩，因一個「情」字反面，此情不再。網上圖片


今年 4月，何詩與祖兒分手後，突然以公司名義以 1,070萬購入窩打老道豐景大廈 1個單位。


02年，祖兒當街幫何詩 揼骨， 10年情於今年初玩完，如今兩人都各有新戀情，難怪祖兒說現在視何詩為永遠的好朋友。《忽然 1周》圖片

四人幫一夜瓦解




容祖兒、何韻詩、劉浩龍及 Wyman原本 friend過打 band，祖兒更跟何韻詩交往多年。但隨着劉浩龍忽然溝掂好友 Joey，更於上週五公開戀情，四人嘅友好關係於一夜間瓦解。
arrow
arrow
    文章標籤
    高攀 容祖兒 F wyman sa 二人 拍拖 好友 sales 分手 出席 追求 密友
    全站熱搜

    litalife 發表在 痞客邦 留言(0) 人氣()

    E-mail轉寄