外貌似蔡依林的「D Cup Jolin」曾寶玲（Ar Yu）休戰一年，今年再度以冬甩成員身份推出寫真，性感程度更是眾人之冠，她直言：「除咗有一件衫嘅感覺好sm外，仲會有全裸造型，我自己都接受到呢次底線去到咁盡 ，希望畀啲成績大家睇。」
日食四餐
問到Ar Yu事前怎樣操練自己？她笑說：「上年唔知點解試過有一輪瘦到得89磅，連上圍都瘦埋，連我自己都嚇咗一跳，可能擔心工作啲問題，所以我喺影寫真之前逼自己食足四餐，追番之前嘅狀態。」 工作方面，Ar Yu表示現時會主動出擊，她說：「以前自己成日呆呆滯滯，又唔敢出聲，家會自己去發問問題同畀意見，好似今次寫真 ，全裸上陣係我嘅要求，連公司都話冇諗過我去到咁盡。」至於工作安排，她說：「工作留番公司安排，我想拍戲同跳舞，總之我家ready好。」 採訪：何慧斯 攝影：林德雄
Profile
姓名：曾寶玲（Ar Yu） 年齡：23 三圍：32D、24、33 經驗：曾與師姐胡心諾（Rainbow）組成冬甩出寫真，休戰一年，今年回歸冬甩推出寫真，揚言瞓身出擊。
全站熱搜
留言列表
