二代熱捧廿歲到三十歲嘅名媛少女,唔理斯文定潮人,都起碼一人一個。 $20,000
今期流行 Celine去年靜靜起革命,靠個Luggage系列搶灘,一呼百應成功俘虜一眾女人心。食髓知味,Celine將Luggage發揚光大,推出可拆長帶Nano、超大Phantom,且繼續玩色回饋粉絲,令城中的老中青三代都拜倒袋下,話之你長長waiting list,年年加價,甚至VIP折扣都取消埋,一樣追捧,女人錢真易賺。

邱穎麟
邱德根孫女邱穎麟是上班族,OL斯文打扮都不能太out,況且孫女愛七彩服,今年桃紅色一出即入貨。「返工要帶好多文件,呢個款可放 A4紙最啱我。好多人用Hermes,但我嫌太成熟,媽媽用就適合啲。」

何超雲
由elegance蛻變成chic人,超雲愈變愈前衞,萬零蚊個袋,梗要乜款乜色都入齊。去年用黑色鱷魚壓紋Phantom袋,今季再黃色Nano(右),唔怕同人撞,「我有好多colorful袋,如果過季最多咪放喺自己間鋪賣。」

何超盈
「姊妹」同心,超雲棄用至hit的Luggage或Nano,買了個新色Phantom袋去睇Gaga,casual又夠young,最緊要唔會周街都係,冇撞得咁應。

林心兒
林建岳女兒林心兒在美國讀時裝,偶然回港都會在時裝騷出現偷師。一向鍾情著貼身短裙拎clutch的她,今次回歸平淡,長得滯的百褶肉色長裙配拼色Nano,九唔搭八。

蔡加怡
玩具大王細女蔡加怡立志要做女強人,返工服走不出smart causal款式,大路的灰色大Luggage袋穩打穩紮,好難出錯。

曾昭怡
搞過網上時裝的超瓊契女曾昭怡,去年一口氣在歐洲入了三個大袋,兩個藍一個tri color。雖然只得廿三歲,但在律師行上班的她說最怕桃紅、鮮黃色,「Practical好啲,classic color幾時都啱用;我買時香港都未興,撞袋即係代表我揀中靚嘢啦。」

陳見飛
最愛少女打扮的陳見飛,之前沒有趕潮流買Celine袋,反而今季一次過入了鮮黃和桃紅的Nano,「我唔介意玩一季,因為我鍾意鮮色,黃色嗰個係我叫爹哋喺歐洲搵俾我。」

長輩趕潮
用慣Hermes級數的阿太亦當仁不讓,人有我都要有,唔用怕俾人話out。

陳琪琪
霍英東家族下的新抱都習慣低調寡言,衣著要保守,但袋可以追潮流,霍震寰太太陳琪琪都湊熱鬧扮後生,用個拼色Luggage袋,多了一份時尚摩登味 。

名氣潮媽
做咗媽咪嘅名人明星,就算奶粉袋都要潮要靚,阿徐仲狼到一款多色,襯衫一流。

楊千嬅
媽媽級的楊千嬅自認對Celine有情意結,一年內入了六個,她自詡是個「大袋人」,貪其是出埠最佳拍檔。「好在有拉鏈位,設計型又實際,真係裝到好多嘢,個袋比Birkin輕,好用。」千嬅大住個肚少拎大袋,換湯不換藥改用小巧Nano(右圖),但她嫌價錢愈來愈貴,「啲水位貴咗好多,都係歐洲買平啲。」

徐濠縈
潮媽徐濠縈雖是媽媽級,獨沽一味只追Nano款,「大袋好阿太feel,我好明顯唔係啦。」灰、紅色、桃紅、羊仔皮、猄皮都買齊。時裝要快買快用,但阿徐自有一套理論,「唯獨桃紅買咗幾個月都未用,袋係用來襯衫,呢排衫唔襯咪唔用。過季都無所謂,我鍾意用舊嘢。」

黎姿
嫁了富商做低調馬太的黎姿,雖忙於湊孖女,但對潮流亦無甩beat,去年尾已跟大隊追袋,買咗個貴啲嘅蟒蛇皮紋Luggage,咁至啱阿太口味。

伏明霞
全職阿媽伏明霞有的是錢,沒有的是品味。沒時間扮靚又不想太out,她就揀用百搭無死錯人的黑色micro Luggage,易拎易襯,是不識打扮的阿太入門之選。

林瑋珊
既要打理鱷魚恤又要忙湊B,林伯孫女林瑋珊漸漸步向師奶陣營,膊上揹個萬元Goyard做奶粉袋,再斜孭個壓蛇皮紋Nano細袋放自己嘢,夠晒安全。

郭詩慧
莎莎太子女郭詩慧,早在英國及意大利買了今季最熱的鮮黃及桃紅色Luggage,「凡係袋一出桃紅色我都會買,莎莎logo都係呢隻色。」郭詩慧返工總要有樽水及披肩跟身,「用大袋一定要有拉鏈,搭飛機唔怕倒轉個袋。」

中女閒用
有錢有面的星級中女,出入大場面自然要有Birkin在手,平時去街粗用潮袋,玩吓無妨。

劉嘉玲
華麗性感的嘉玲姐,睇唔出會鍾意檸檬黃,「其實我都好鍾意sharp色,我唔怕同人撞色,咁人人用法都唔同。」著盡名牌靚衫的她隨意花衫卡其褲,撞黃色micro Luggage,又真係幾得嘅。

關之琳
近五張的關之琳偏愛年輕打扮,她早於去年中暫且放下數十萬的鱷魚皮Birkin,潮捧Celine,拎個橙色Luggage型吓。 ####

 


她另有一個同尺碼米白色Luggage。


$25,500




$20,000


$18,000


$22,500






$21,000


$22,500






$15,000


$28,000


$18,500


$18,000







arrow
arrow
    全站熱搜

    stacylife 發表在 痞客邦 留言(0) 人氣()