嚟！叔叔抱抱！（設計對白）
上個禮拜四（五月二十四日），英皇一姐一哥容祖兒、古巨基陪老闆楊受成出席慈善活動，集團更捐出五百萬支持奧比斯改建飛行醫院，英皇之友成龍，亦現身撐場。

 
做咗英皇人超過十年，Joey一直深得楊受成寵倖，就算古巨基都係一哥，得寵地位始終係有唔同。當日楊老闆見到Joey件褸個煲呔歪咗，等唔切叫助手埋嚟，自己落手幫一姐移番正，而成龍離遠見到Joey，更即刻攤開雙手要抱抱，影大合照仲雙手扶實Joey條腰。古巨基呢？當然有份影相，不過就冇咁多特別招呼囉！
Joey多人照顧，唔使成日跟出跟入睇住嘅Joey媽，星期日（二十七日）同密友關月茵行銅鑼灣行完超市再走去登龍街食江仔記粉麵，兩母女，各有所得。 ####

 


成龍見到Joey又攬又抱，相信古巨基唔會想得到成龍同等對待。


老闆親手幫Joey移番正個蝴蝶煲呔，一姐福利。


Joey媽唔使湊女，陪同性密友關月茵繑手行街。


行為打扮比較男性化嘅關月茵，食完麵邊行邊撩牙，Joey媽抹住嘴殿後，之後一齊坐車走人。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄