你曳曳嘞!(設計對白)
在無綫破格劇《心戰》扮演戲劇大師、為追尋失蹤多年的愛女出盡法寶的鄭少秋,現實中同樣為着性格反叛、感情開放的女兒詠恩而頭昏腦脹,並一度要採取經濟封鎖「鎮壓」手段。早前鄭詠恩從英國學成回港,過往同十六男的「攬啜相」雖已剷走,但食性未改,「新相簿」一樣不缺晒胸露bra,但經一事長一智,為掩飾喪溝本色,「新相簿」中只擺放與新歡的親密照扮專一,呃老豆!秋官次女詠恩繼續放縱,長女欣宜飛起爛滾Mark後,即型男model補位;而欣宜前度阿Mark,近日亦被發現在迪士尼與「A貨欣宜」啜爆,重口味不變!

 

經濟封鎖
秋官對與肥姐沈殿霞所生的女兒欣宜,向來好少理,任由親女自生自滅,至於同官晶華所生的大女詠恩,秋官想管但管唔掂,兩邊不是人。 ○七年只得十七歲的鄭詠恩,被傳媒拍得在聖誕夜一晚啜兩男,之後她被送到英國升學讀設計,無王管更加放縱,夜夜開P啜仔,再被踢爆連啜十六男紀錄。私生活立立亂,激到爆的秋官為此分神,拍《心戰》時傷頸,之後,他偕官晶華親自赴英教訓愛女,並收回信用咭,採取經濟封鎖「鎮壓」。女兒難教,秋官束手無策。現年二十二歲的鄭詠恩,完成設計課程後,帶埋在英國結識的新歡Adrian返香港。據知,男友外形雖似MK,但有家底,在英攻讀法律成績優異,回港後即在一間律師樓工作,靠實力故得到秋官好印象。

男友管唔掂
有固定男友,秋官和官晶華以為愛女終修心養性,但鄭詠恩野性難馴,男友根本箍佢唔住,更學精,以防再被抽出「攬啜相」,只在fb公開與男友Adrian的親熱相,但她個人晒料照繼續任睇,方便吸仔。「Adrian好鍾意 Winnie(鄭詠恩),就算知女友繼續溝仔都唔敢出聲。個男仔其實幾乖,屋企係做生意嘅,聽講秋官都幾滿意 Winnie呢個男朋友。」知情者說。

反對入娛圈
返港後,曾有model公司睇中鄭詠恩勸入行,但母親官晶華卻反對。「Winnie起初都心郁,想好似謝婷婷咁,拍吓廣告出活動搵錢,秋官都無反對,但最後過唔到阿媽嗰關。依家佢搵到份設計,喺九龍灣返工。」星期日(五月二十七日),秋官同老婆官晶華及幼女詠曦外出後返家,對於記者追問鄭詠恩的事,秋官即《心戰》上身,當詠恩如劇中他失蹤的愛女一樣,一概扮唔知。「我唔知Winnie有冇拍拖喎!(佢帶過男友見家長喎!)係咩,我唔知嘅!(你太太反對佢入娛樂圈?)女大女世界,佢自己決定,我哋無反對。(依家佢係咪做設計?)係咩,佢有份工咩,我唔知喎!」大話到七情上面,秋官做戲,好稱職。

十八變####  


谷胸無論擺咩甫士,詠恩都充滿誘惑。


露bra


新歡啜爆尖面蛇腰,一副索女的詠恩,令新仔Adrian對她如珠如寶,影親相唔係將她攬到實,就係啜到實。


詠恩三點式,將上圍托到鬼咁高。


無力管女的秋官,對詠恩的新相簿不欲多說。母親官晶華同細妹詠曦更一個閃身返回寓所,拒絕回應。


在英國時,詠恩著住三點式,與這半裸紋身男拍親熱照。性感短裙,是她夜蒲戰衣。


影床照的她,T恤短褲展露窈窕身材。


肥妹十多歲的詠恩,肥到跟家姐欣宜一個餅印,毫無索女特質。(《蘋果日報》圖片)


索女踏入青春期,詠恩便開始貪靚,減肥後經過衣著包裝,成索女一名。(《蘋果日報》圖片)

arrow
arrow
    全站熱搜

    stacylife 發表在 痞客邦 留言(0) 人氣()