胡杏兒、鍾嘉欣及Bobby喺樂坊華麗背後,發掘出一段又一段不為人知嘅秘密。我哋一定會耀舞揚威。(設計對白)

福將,唔係人人叫得起。Bobby(歐陽震華)絕對孭得起有餘,事關佢「福將」銜頭已係公認。係㗎,一啲冇誇張㗎。唔信?遠嘅唔講,就講最近期嘅《不速之約》(11年9月中播出),劇情認真麻麻,口碑亦一般,但收視一直企穩3字頭,同Bobby觀眾緣不無關係。所以福將之名唔係隨口。新劇《耀舞長安》乃Bobby回歸無綫頭炮,飾演流浪賣藝人,再加胡杏兒、鍾嘉欣同麥長青, 配搭完全新鮮。如此陣容,火花肯定濺到沙頭角。 播映日期:4月30日起逢周一至周五晚8:30pm 翡翠及高清翡翠台


30集嘅《耀舞長安》(原名《樂府藏龍》),係無綫最後一部以標清拍攝嘅劇集。唔講唔知,呢部劇集開拍時,原來有唔少波折㗎。本來主角就定咗係Bobby、胡杏兒、陳豪同鄧萃雯。誰不知到開拍前,鄧萃雯話同大陸劇撞期首先辭演,臨急下搵鍾嘉欣頂上,以為「局勢」穩定,又到陳豪辭演,換上敖嘉年,敖後來辭演換上林保怡。點知林保怡同無綫傾唔掂數再推莊,最後由麥長青頂上。正如監製張乾文話齋﹕「主角換嚟換去,所以角色同內容幾乎改過晒。」《耀》經過大執後,劇集重心自不然落晒喺Bobby度。故事雖有改動,但背景冇變。唐代歌舞昇平,為鼓勵舞樂,皇室會舉辦「選花魁」嘅活動,獲選可能會獲封為郡主或王妃。而訓練出花魁人選嘅教坊,亦將成為皇室御用教坊。長安三大官辦教坊中,以「昶麗園」最出名。舞姬中,以胡杏兒及鍾嘉欣表現最突出,可惜最後胡、鍾為表現、為愛情反目成仇,二人相爭下,間接誘發出「昶麗園」現任都知大人Bobby有不可告人嘅秘密、以及樂坊幫廚麥長青嘅真正身世。 Bobby有收視保證,喜劇更係佢強項,所以絕對有理由相信,《耀》無論口碑及收視都肯定大躍進。


####


跟住福將有運行。(設計對白)


Bobby同胡杏兒兩個老友相約飲酒醉倒後,竟然俾人偷晒衣物,搞到狼狽非常。


麥長青本有音樂天份,奈何一次意外,導致失憶兼毀容,要流落長安做廚工。


受傷失憶後嘅麥長青,喺山頭結識咗斬柴妹胡杏兒。


胡杏兒及鍾嘉欣進入樂坊時原為好姊妹,可惜兩人最後反目成仇。


賈曉晨飾演嘅冷灼蘿利用樂坊設計師翟威廉(飾敖雪松),破壞鍾嘉欣及胡杏兒嘅表演,屬於為求目的不擇手段之人。


人物關係表

arrow
arrow
    全站熱搜

    stacylife 發表在 痞客邦 留言(0) 人氣()