DaDa演女星「爆炸糖」 DaDa飾演的爆炸糖，為拍戲不惜提供特別服務，DaDa說：「導演話個女人雖然開放，但係點都唔肯拍三級片喎！」
靠《春嬌與志明》食糊的彭浩翔堅持拍廣東話戲玩不文，在新戲《低俗喜劇》不單大灑鹽花玩車震，號稱「90分鐘戲有70分鐘聽到粗口」之餘，仲踩界玩埋人獸交，難怪電影已被評為三級。
爆炸糖為片約出賣肉體，原來在圈中不是秘密，除了飾演爆炸糖的DaDa有聽過外，連圈中模經理人亦聽聞有導演借開戲呃女上床。
中港台三地陪瞓
除咗本地模為咗拍電影不惜提供特別服務外，原來陪瞓傳言中港台三地都不少滿天飛，除了本地歌手外，甚至內地天后都有傳過，女星為走紅認真辛苦。
陀地玉女連環陪
玉女歌手人氣依然持續高企，不過原來玉女只是表面純情，在她年青時，為了一份女主角片約，不惜為電影老闆服務外，完事後更緊接過隔籬房招呼埋男主角，氹得兩人開開心心，自此前途一片光明。
台灣純女主動剝
有傳台灣純女演員為了成為一大片女主角，不惜主動獻身陪該片導演兼男主角，雖然完事後終可成功霸佔女主角一位，但可惜該純女無以為繼，一戲之後冇乜代表作。 ####
台上開估首映完後，杜汶澤和彭浩翔加埋成班演員，一齊上台答觀眾問題，其間有觀眾問爆炸糖一角是否影射別人時，彭浩翔竟說：「我感謝佢今日都有嚟！」之後台上更有人指向觀眾席，慌死人估唔到。
台下嘩然台上一講爆炸糖在現場，台下全場觀眾即時起哄，有人不停尋覓爆炸糖真人，而台下江若琳、田雞等人則不停拍掌大笑。
執袋走人杜汶澤和彭浩翔爆完料後，剛巧內地記者發現在場的雷凱欣黑面氣沖沖執袋離座。
粗口勁多
戲中鄭中基要求杜汶澤搵七十年代艷星邵音音開拍《官人我又要》，於是杜用電腦效果將邵嘅頭key落女友DaDa身上，再搵嚟葉山豪做男主角開拍。
被迫玩騾
除了爆炸糖係真人真事外，戲中還有一幕講杜汶澤和雷宇揚上大陸搵老闆鄭中基投資電影，鄭竟然叫佢哋同隻騾仔「X完嘢」先肯投資，據杜汶澤稱此幕亦是監製朋友北上的親身經歷，認真匪夷所思。
36F雷凱欣去年自演出《3D肉蒲團之極樂寶鑑》，即為車行太子爺陳智聰（Jack）放棄事業，潛水做煮飯婆，不時upload美食上微博。
《春嬌》玩兩性關係
彭浩翔執導的《春嬌與志明》大收2,700萬，又識搵王馨平客串，做話題有一手。
彭浩翔我唔能夠開名，但我感謝，好似爆炸糖今日有嚟咗（熱烈掌聲），隱藏喺人群中間。（一陣笑聲）下面（台下）係咪？
模Phoebe 有時啲人都話有某某明星要陪老闆食飯先有戲拍，但自己未遇過。於《低俗喜劇》中影海報客串的模Phoebe，雖然沒有出席當晚首映，但亦聽過有關傳聞。
有印象彭浩翔喺台上講過，慶功嗰陣我有追問過導演同阿澤，究竟爆炸糖係邊個，不過佢哋唔肯講囉！ DaDa雖然飾演為拍戲不惜跟監製上床的女星，但導演和阿澤卻不肯向她透露爆炸糖真正身份。
DaDa於《喜愛夜蒲》中飾演開放蒲女有大膽演出，於《低》片中再下一城講埋粗口，但DaDa說：「其實都係一兩個字啫！」
阿澤有喺台上講過，彭浩翔啲戲一向半自傳式嘅，搜羅咗人哋真人真事唔奇，可能係佢幕前幕後朋友啩。
模Rainbow 18歲嗰年同朋友落club，遇見一個監製，一嚟就搭我膊頭問我想唔想拍戲，就話『你要識做，有付出先有回報』，跟住就叫我一陣去呢一間club陪佢玩。
Rainbow、Cammi經理人Admond 有啲監製、導演會撩啲想入行拍戲嘅model。試過有女仔私底下獻咗身畀導演但冇下文，就叫我幫手收吓風，先知原來導演根本就冇戲要開。
周秀娜經理人Roy 呢個世界咩人都有，我都有聽過類似傳聞，我會教啲model直接報警。
留言列表
