為大陸內衣代言，上個禮拜出席品牌記者會，Chiling自嘲「剩女」，對感情事看得開，繼續否認同言承旭翻撻！

胸即是胸，女星賣奶求榮拍胸圍廣告，幾時都係求財求榮上上之策，只係估你唔到37歲林志玲臨老先嚟賣奶，幫國產胸圍做代言人兼設計師，2年合約袋走2,300萬台幣，相等於600萬港元。賣奶原來不分老嫩，甚至連早排郁手打記者嘅周杰倫舊愛、已為人妻嘅侯佩岑，34歲突然解放32B奶，袋500萬台幣酬勞希望做媽咪之前，留低美胸回憶！

言承旭批准
靠減肥廣告起朵，當日林志玲著住白色比堅尼泳衣响泳池邊碌來碌去嘅畫面，相信好多電車男都仲記得。幾性感都試過，但Chiling入行以來一直未做過胸圍代言人，37歲忽然有衝動，傳聞同言承旭有關。據聞品牌主動傾約時，Chiling擔心賣老奶會俾人笑唔想接，反而疑似男友言承旭鼓勵佢趁40歲前留下美好回憶，加上品牌會幫佢推出「Chiling Cutting」系列，第一名模親有機會做設計師，終達成今次天價代言合約，但Chiling發言人例牌否認：「沒聽說。主要原因是志玲能親身參與內衣設計，才點頭答應。」

反周杰倫
同樣係胸圍代言，不過人妻侯佩岑嘅價碼只得500萬台幣，同Chiling差很大：「她是超級模特兒，有女神的感覺，我只希望相片效果能貼近一般的女孩。」平民價錢只為拍出平民效果，性感尺度同樣唔及Chiling，只係將佢大眾化嘅32B標準奶，升胸變成34D：「基本上老公是比較隨和的人，他看到照片就是點點頭說漂亮！」老公錫晒，但最近侯佩岑又同舊愛周杰倫扯上關係。早前記者跟拍周董同新歡昆凌去宜蘭食飯俾天王打，之後周董強詞奪理話只係打狗冇打人，令人諗番起7年前，侯佩岑同佢拍拖俾人跟，天王推跌記者電單車再豎中指一幕，侯佩岑其實唔想多講，但言語間暗寸周董唔啱：「我這幾年與狗仔互動都很和善，狗仔也是很辛苦，還是要和平相處啦。」係囉！都係打份工，唔使郁手郁腳啫！ ####


言承旭鼓勵晒胸，Chiling廣告中盡量掩飾37歲真實年齡，落力扮cute！


兩年前未做人老婆，侯佩岑拍沐浴露廣告只係敢露背，對自己身材唔夠自信。


人妻侯佩岑獲金融才子老公黃伯俊批准做胸圍代言，仲話婚後令佢自信大增，先有勇氣接呢個廣告。


周杰倫打完記者再出言挑釁，以「起碼要接近代官山的標準」叫傳媒俾心機影佢同昆凌嘅拍拖相，間接重提7年前同侯佩岑日本拍拖斷正往事，令人妻相當為難。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄