我扮女人靚過鄭中基好多！（設計對白）似黃伊汶梗靚啦！（設計對白）千嬅笑余文樂反串似前度黃伊汶，樂仔唔理咁多，提議丁太、老闆林建岳輪住埋位。

已經寫緊第三集劇本嘅《春嬌與志明》，上星期二（四月三日）舉行慶功宴，電影票房走勢好，大肚千嬅余文樂成晚笑到合唔埋口。


片尾反串抄王馨平拍《別問我是誰》MV嘅余文樂，興奮到提議票房到二千萬，導演彭浩翔拍一次（MV）；三千萬就楊千嬅大住肚拍；如果去到五千萬，連老闆都冇放過。《春嬌》上月二十九日上畫，截至四月九日，票房已經有二千二百三十六萬，明醒彭浩翔嘅余文樂仲爆響口，話導演係王馨平頭號fan屎，寫劇本嘅時候，已經部署好用呢首歌同搵對方客串一角，要佢親身上陣拍MV，彭浩翔一定求之不得。我信，但我唔想睇囉！ ####


想睇林建岳扮王馨平，《春嬌》票房要到五千萬先有機會。（設計圖片）


大肚婆坐得耐企得耐都唔舒服，千嬅起身攞多兩個咕墊住椅背。


老闆林建岳同大肚千嬅坐埋一齊，鬥大！


《春嬌》除咗粗口，王馨平喺《別問我是誰》MV中嘅招牌手勢，亦係宣傳重點之一，余文樂同彭浩翔有樣學樣。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄