鬥遲到鬥大牌法拉寸敏之「好難扮 friend」
近日盛傳在《東西宮略》中扮演鍾無艷的陳法拉和夏迎春的陳敏之，戲內戲外都鬥個你死我活。前晚劇中演員為《東》劇宣傳，兩位主角繼續鬥遲現身，並由法拉先勝一仗，兩人面對傳媒即扮晒老友，就連郭晉安都忍不住語帶相關寸爆兩女。
陳法拉、陳敏之、郭晉安等無綫劇集《東西宮略》演員前晚到尖沙嘴為劇集宣傳，近日法拉和敏之被傳戲內鬥到戲外，除互篤背脊外，兩人鬥度期接 job又鬥遲到，前晚兩人竟有默契地姍姍來遲，敏之遲到半小時，法拉遲足 40分鐘，令其他演員呆等。
放大圖片 
法拉、敏之要求郭晉安代為申寃卻反被寸。
放大圖片 
法拉足足遲到 40分鐘，其他演員無奈呆等，睇電視打發時間。
送禮交足戲
法拉、敏之甫到場即醒目與安仔影合照，之後兩女又相擁以示冇不和，敏之又主動拉攏法拉影合照，並寸嘴說：「佢哋（記者）要影不和相。」她們繼續扮老友傾到雞啄唔斷，法拉預先準備一袋美容產品送給敏之，十足十上映一場上契做好姊妹的戲。至於男主角安仔被問及不和傳聞時，他想了良久才說：「等我諗吓點答，話晒敏之喺戲中有餵我食提子，要為佢講說話，法拉真係唔啱嘞。」敏之強調與法拉度期工作前有溝通，並強調沒有不開心，私底下是老友，又撒嬌要安仔為她們申寃，但安仔卻語帶相關說：「你快啲講真嘢啦！」法拉亦夾定口供說：「我係醜婦做醜人，觀眾睇得太投入，係好事，大家係好朋友，性格好直，有話直說，所以好難話喺活動上扮 friend㗎！」此外，同場的呂慧儀穿上鬆身斗篷裝出現，孕味十足，即時惹來懷孕疑雲，不過她即急急澄清，並郁動衣服強調未有身孕。採訪、攝影：王連連 
被傳不和的法拉與敏之相擁扮老友。
法拉敏之互攬否認不和
陳法拉與陳敏之等前晚在尖沙咀飯局睇劇集《東西宮略》，近日傳兩人拍劇時不和，鬥遲到及鬥度期請假，而前晚兩人又齊齊遲到。敏之與法拉合照時說：「等我哋影番張不和相先。」敏之又否認與法拉不和：「大家都有度期，都有溝通，合作得好開心，係好朋友。」而郭晉安笑說：「佢哋成日都不和o架啦！」問到法拉是否鬥遲﹖她說：「唔係，我哋之前都有嘢做，私底下好Friend，如果真係不和，冇可能喺人哋面前扮Friend。」
陳敏之（右）與陳法拉擁抱力證冇不和。
留言列表
