close


記者試過㩒門鐘，希望思琦妹肯做個訪問：「一㩒鐘就有幾隻狗係咁吠，嚇到我即時後退兩步。個心好想思琦開門，但又驚一開門就放狗咬人，不過最後都係冇人應門。」

大肚後一直匿喺美國嘅楊思琦，上個禮拜四（8日）下午忽然喺微博自爆順利生咗，仲放埋「小龍女」Krystal嘅相上網㖭！點解咁突然？咪就係因為《忽周》飛去L.A.採訪咗長達15日，上星期四獨家率先報道思琦妹2月中誕下6磅半女嬰。思琦妹終於明白事實無得收埋，先至喺微博上載咗自己同埋女兒嘅相。


講到呢度，媽咪姐真係要讚吓呢位喺美國捱更抵夜360小時，為我哋八到咁多堅料嘅記者，佢話：「日日喺楊思琦屋企喪等，坐喺車十幾個鐘都幾痛苦。開頭唔肯定思琦妹喺屋，所以試吓打開垃圾桶睇。嘩！一打開，好臭！再睇真啲，裏面有『八珍甜醋』、『BB奶粉』，就知思琦妹一定喺入面坐月。「兩日後，有架裝晒黑玻璃嘅七人車駛入屋，我隱約見到思琦妹坐喺車度，思琦嫂就揸車。不過泊入車房之後，佢哋喺裏面落車入屋，完全唔見光。後來追過幾次車，都只係見思琦阿嫂出街買嘢，冇見過思琦。不過阿嫂好好人！佢知道我冇功課交，可能要加監（繼續採訪），閒談中又知我掛住3歲嘅囡囡。最終，佢透露思琦2月中生咗健康BB女。其實點都好，生BB係開心事，希望思琦妹快啲帶Krystal返香港同大家見面啦！」今期《忽周》仲有最新消息，Krystal原來跟思琦妹姓楊！想知嘅，快啲揭去p.38啦。 ####


避無可避上星期四，本刊出書無耐，楊思琦自知避無可避，喺同日下晝影張產後新相放上微博，表示多謝大家關心。


車廂乾煎記者話：「日日停車熄匙，睇同一個景！又唔可以開大個窗，怕打草驚蛇。你知L.A.陽光有幾猛啦，上午10點後，車廂就似焗爐，我差啲熟咗。」


入夜，難得見到思琦大嫂去超市補貨，記者連羽絨都嚟唔切着， 就追上去採訪，好彩大嫂好友善，傾到幾句。


日日捱包


記者去咗美國15日，去自助洗衣店洗衫同乾衣都成為工作之一。記者仲話：「日日食嗰間叫Carl's Jr嘅快餐，煙肉蛋包餐，盛惠40港元！睇就好食，但食足十幾日，口都歪埋㗎！」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄