818 娛樂八掛大放送★

楊怡認收羅仲謙鑽戒

楊怡和陳展鵬昨日到何文田出席「香港國際七人欖球賽」活動，有傳羅仲謙買花和送鑽戒給她，楊怡起初謂沒收過鑽戒，及後卻自打嘴巴說：「佢嗰隻鑽戒太細，自己會買大啲獎勵自己，唔鍾意叫人送，戒指要好有代表性，花係佢送畀媽咪，因為佢媽咪生日，之前佢都有叫我一齊食飯，但因為我做嘢，同埋同佢家人唔熟，如果出年唔使開工就去。」問兩人是否公開戀情時，楊怡死撐否認。提到當年羅仲謙出手打過前女友傅穎，楊怡表示若男友郁手郁腳，她會還手，並說：「我應該夠打，唔係都唔會睇欖球啦，我鍾意暴力嘅運動。」採訪：張俊銘攝影：仇志德


楊怡笑羅仲謙送的鑽戒太細，自己會買隻大一點的。

楊怡嫌謙仔鑽戒「太細」

楊怡昨日出席欖球活動，對於有指緋聞男友羅仲謙買花和鑽戒與她定情，未戴鑽戒的她笑說：「我冇收到喎！但我知佢啲花係買畀佢媽咪，佢媽咪生日吖嘛，佢都有搵我去食飯，但我要開工去唔到！」問到謙仔是否認定其女友地位？楊怡笑得勁甜：「都係朋友邀請食飯，冇乜特別！（怕似傅穎咁畀謙仔打？）我好善忘，交朋友唔諗呢啲。（如男友打你？）我打番佢囉！（恨收鑽戒？）自己買會自豪啲，佢睇嗰啲太細。（男友送？）未試過，我唔會特登問人拎，但有又唔拘！」她更笑言喜歡「暴力」運動，至於會否喜歡暴力男？她說：「都話我夠打，我鍾意健康啲嘅男仔！」

楊怡與陳展鵬昨日出席欖球活動。