Gigi Leung
米白色通花透視恤衫
米白色通花領飾
米白色通花半截裙
（均未定價）all Louis Vuitton
戒指 Gigi's own

去年6月，傳媒仍在關注Gigi跟法籍男友的分手感言，話咁快，她已投入新戀情，仲結埋婚。愛情路上，終有回報。
這一日，她由落車開始笑，「我好想生BB，打算生4個。」
一些我認為肉麻的說話，新人妻也笑咪咪說了，愈講愈甜，愈講愈窩心。
講承諾講真愛講一紙婚書，昔日不敢相信不甘跟隨的東西，今日照單全收。
整個訪問，猶如給自己寫了一封信，情路大檢閱，由昔日地下地上愛得拘泥到今日明目張膽高呼我愛你，跌碰之間慶幸未至遍體鱗傷，每愛一次，猶如shopping碌卡，自負盈虧，現在，大抵是拎住積分去換大禮的時候了。

Profile
　
梁詠琪
出生日期：1976年3月25日（白羊座）
出生地：香港
身高：5呎9吋
體重：122磅
語言：普通話、英語、廣東話。
學歷：理工大學設計學院二年級
簡歷：95年，與劉德華拍攝電影《烈火戰車》正式入行，歌影雙線發展。96年，首奪勁歌金曲「最受歡迎新人獎」。
主要作品：電影《烈火戰車》（95），《百份百感覺》（96），《心動》（99），《絕世好bra》（01），《女人本色》（07），《愛得起》（09），《親密敵人》（12）。唱片《短髮》（97），《花火》（00），《禮物》（09），《怕寂寞的貓》（10）。
微博：http://weibo.com/gigileungwingkei

“老公令我有勇氣” 　
Gigi曾開出擇偶條件：有才華、一心一意、懂得享受生活。講的時候，她已在西班牙接受了Sergio第一次求婚，7個月後，Gigi由「Miss」變了「Mrs.」，剛剛更度過了二人首個情人節，sweet到漏！「識咗兩個月已知佢係（Mr. Right），喺對嘅時候遇上一個對嘅人，感覺真暢快！依家，我做乜，佢都覺得可愛，佢做乜，我都覺得好叻。「我跟以前好唔同。從前，對婚姻冇信心，因為佢，我至變得有勇氣，佢明知大家相隔咁遠，主動調職，仲對我講『你咁多年辛辛苦苦經營嘅演藝事業，我冇權要求你放棄；「『去邊冇所謂，跟你一齊就OK！』好有誠意，我從來未有過呢一種感覺。


「去年，我去咗5次西班牙，第一次去旅行識得佢，3個月後去第二次，佢喺一個皇宮後花園求婚，第三次籌備婚禮，第四次結婚，快到自己都唔信。「結婚時，我做齊上頭、斟茶、出門等傳統儀式，並將吉利說話譯成英文，佢再譯成西班牙文，老爺奶奶見我跪低斟茶，超感動；「好多朋友見佢咁細心，依家個個都話要去西班牙旅行！哈哈哈…… 「以前，睇一段關係唔會太長遠，父母離異，或多或少對我有影響，唔敢亦唔願相信天長地久，依家，我終於知道何謂安全感，原來就係一個人對另一個人嘅commitment，我確信，無論去到邊，遇到任何困難，佢都會留喺我身邊。」

“老公最浪漫” 　
新生活，Gigi坦言，二人乜都夾，最唔夾竟是作息時間，約法三章，將來湊仔，她負責夜更，朝朝6點起身去跑步的Sergio負責早更。「我好想生BB，打算4個，預多些少，到時打個discount都仲有兩個嘛！我係孖生，好有機會生孖胎，慳番啲時間，一次搞掂晒！「夫妻相處，要不時吓對方，最浪漫回憶？等我whatsapp問埋佢先……求婚喎！佢靜靜雞喺我屋企大廳用花砌咗『Marry me？』點知我發燒到39度入醫院，冇辦法俾反應，但見到佢，個心甜晒，好番一大半啦！「老公係我所認識最浪漫嘅人。今年新年去台灣玩，佢話『不如喺呢度生活，我開間café，每日見到你。』幾浪漫！「佢講過『西班牙人點解開心？因為太陽供給正能量。』係咪好神話？佢哋做人宗旨係開心咗先，冇錢供樓都唔緊要，我覺得好冇保障，漸漸明白，所謂生活保障，並非源自物質，例如曬太陽唔使錢，夏天返工4日半，放工去海灘，諗吓都開心！「不過，佢唔係懶人，一樣會儲錢、買樓，我亦唔追求物質，媽咪信佛，負責管財政，幫我買樓當投資，平時生活清茶淡飯，大家價值觀好夾。」

“我唔想再唱sad song” 　
對於事業，人妻Gigi沒放軟手腳，繼續走勻大江南北，宣傳電影及唱片，去年，更跟舊公司合作，做埋老闆捧新人，雄心依然，只是，心裡面忽然多了一塊肉，出外拼搏，個心難免七上又八落。「老公識我時，未知我係公眾人物，知道後，又聽過我啲歌，用咗《我鍾意》做婚禮background music，電影就未睇過，唔會特登迫佢睇，喺屋企我只係一個普通家庭主婦，只要我開心，佢就開心…""但識咗佢，我唔想再唱sad song ！「思念可以好sweet，亦可以好痛苦，拍拖時，我哋相隔地球兩邊，婚後住喺香港，近咗好多，不過，我一出trip依然唔捨得。「近年，坐幾個鐘頭車已腰痠骨痛，唔似得以前，老公好心痛，去年8月，我去安哥拉探訪，發住燒坐10小時車，佢每隔個零鐘call我一次，又打俾同事問『可否安排直升機送佢去醫院？』呢度安哥拉呀！直升機都未必搵到我哋啦！佢真係好緊張，成日話『我哋只要一齊平安，開心走下半生已足夠。』「揀咗佢，係我一生人做得最啱、最義無反顧嘅事。」

後記　
不停「佢佢佢佢佢」…… 愛情也要有麵包點綴。今年，Gigi計劃在紐約、台北開演唱會，轉個頭，又跟我暢談其個人事業收成期、打算簽怎麼樣的新人、國語市場何等重要云云。愛情至上的梁小姐，難道沒想過為愛放棄事業嗎？「做人妻子都要有正常社交生活。」一個他，成就一個更完全的她，講得出呢句說話，證明她愛到發燒仍未至於連自己的理性也埋沒。

Shop List 　
Burberry 中環歷山大廈101A號鋪 2868 3511 CELINE 中環置地廣場G9號鋪 2868 2097 Dior 中環置地廣場G42號鋪 2524 8266 Louis Vuitton 中環置地廣場地下 8100 1182 發寶膠 銅鑼灣謝斐道509號銀座商場23號鋪 9029 3925 ####


79年
孖生細佬趣致可愛兼黐到實，唔怪得Gigi都想生夠4個，湊吓熱鬧。《壹週刊》圖片


79年
「媽咪自細對我無微不至，依家就交帶我老公，將照顧我嘅責任交咗俾佢。」


去巴塞隆拿旅行，美其名充電，實情去探Sergio。《蘋果日報》圖片


11年
夫婦二人返港搞第二輪婚禮，揸住車都要十指緊扣，Gigi梗係甜到入心入肺！《壹週刊》圖片


Gigi Leung 白色印字tee 橙紅色織錦花布bra top 橙紅色織錦花布西裝褸米白色鬆身長褲 （均未定價）all CELINE 戒指 Gigi's own


Gigi Leung 芥辣黃色通花長褸（未定價）Louis Vuitton 戒指 Gigi's own


Gigi Leung 藍綠併金色絲質連身裙 $21,000 白色粗手鈪（1套3隻）$10,400 透明粗手鈪（1套3隻）$6,800 all Dior 炭灰色金屬吊飾頸鏈 $399 發寶膠戒指 Gigi's own


Gigi Leung 湖水藍色羊仔皮trench coat $41,000 黑色綴藍黃珠飾高踭涼鞋 $7,200 both Burberry

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄