生日咁大件事，超雲搬埋老豆出嚟助興，但好笑是，三太和賭王著到成隻糉，超雲可以著背心扮唔凍。

賭王三房千金何超雲於本週一生日，上週五的東華活動，她已事先張揚與母親陳婉珍食飯慶祝。本週日，她拖埋賭王老豆、三太、陳山聰、化妝師等一行人到富豪飯堂福臨門食飯做騷，超雲更騷quali，成日俾人笑肥腫嘅佢，難得個口生瘡未好番食唔到嘢瘦咗少少，於是十二度低溫下，依然晒肉，呢個生日騷，唔輸人又唔輸陣！


以往每年生日何超雲都會同母親齊齊食飯慶祝，今年也不例外，上週五的東華活動上，她說：「應該會同媽咪一齊食飯慶祝，因為我同佢生日好近，佢係三月一號。」陳山聰亦說：「應該係食中菜。」本週日晚上七時半，她一行人六架車，包括賭王、母親陳婉珍、阿姨、陳山聰等，殺落灣仔福臨門，問超雲賭王送咗乜禮物？她說：「利是，今日慶祝埋媽咪生日。」至於如何度過十二點？她甜絲絲地說：「秘密。」


食足兩個多小時，賭王與三太先行離開，超雲亦識做送他們上車，不過當晚只得十二度，明知有記者在門口等候的超雲，只著一件露背背心，未知是否為經常被取笑肥，近期因為口腔潰爛瘦番少少而乘機晒料。約十時多，超雲與陳山聰等人食飽離開，問陳山聰之後有乜下場同送咗乜禮物？佢就懶神秘，「秘密，都未夠十二點。」原來他們趕住搭直升機過澳門過生日，然後齊齊劈天光。 ####


俾利是！（真實對白）賭王與三太（中）離開時，賭王醒目吩咐三太派利是給福臨門員工，三太即急急摷手袋。


食飯期間超雲繼續發功，急不及待將賭王送給她及三太的玫瑰花放上微博。


現時陳山聰主要工作是傍實超雲出入，上週五的東華活動他亦有份出席，問佢忙乜？佢就話：「呢排未有劇拍，都係等通知。」定係等通知做何家女婿？


食飽飽，晚上十一時五十分，超雲、陳山聰（右一、二）與友人搭直升機過大海劈天光慶生。

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄