上月初本刊獨家報道黎明獎老婆樂基兒(Gaile)萬呎三藩市生仔屋,大肚Gaile仲搵埋阿媽幫手買家品,悉心打理新屋。據知已懷孕三個多月的Gaile近日心情麻麻兼成日作嘔作悶,在三藩市安胎期間更不時撒嬌要見老公,黎明完成手頭上工作,1月16日即拖埋經理人陳善之、司機及女助手急急赴美陪老婆過年。黎明陪足老婆一星期,心廣體胖的Gaile於大年初一(1月23日)早上送老公去機場,臨別時還與黎明來個愛的抱抱,打破晒之前的分手傳聞啦!


與黎明結婚快將四年的樂基兒(Gaile),去年聖誕節先在上水獨立屋二人世界慶祝,翌晚她即獨自飛往老家美國三藩市,安胎兼探屋企人,而另一任務就是執好新屋,等黎明過來好好享受。去年三月花四千萬港幣在三藩市Ruby Hill買下豪宅的黎明,一直都未有到訪新屋,今次Gaile先飛三藩市打點好一切,希望可與老公在新屋團年。黎明早前亦曾向Gaile承諾,完成手頭上工作,便會即飛三藩市,但他遲遲都未肯動身,搞到身在美國的老婆Gaile好忟憎。知情人士說:「Leon上年開埋演唱會,加幾個國內商場騷,已經有成千萬落袋,所以佢唔憂做。年頭做埋幾個活動,Leon先至臨時決定會放農曆年假,仲請埋公司同事一齊過美國玩。其實Gaile喺嗰邊早就詐晒型,兩公婆除夕同元旦已經冇一齊過,農曆年點都要一家人團年,加上Gaile近排成日作嘔作悶唔舒服好忟憎,所以Leon今次係過去慰妻!」

帶Leon返娘家
1月16日下午,黎明的經理人陳善之與女助手率先到達香港機場,幫自己及老闆黎明check in,而黎明則到最後一分鐘才由司機陪同出現。眾人飛抵三藩市後,據知Gaile亦有親自去接機,「Gaile本來心情麻麻,不過一去到機場就成個生猛晒,見到Leon仲衝上前,拉咗老公上車密密斟。Gaile嗰日搵咗個朋友負責揸車,先車佢哋返Ruby Hill新屋放低行李,然後同Leon一齊返娘家。Leon好識做,買咗好多禮物俾岳母,雖然Leon唔多講嘢,但岳父岳母對佢都好滿意。」知情人士說。

足不出戶一星期
黎明去年在三藩市普林斯頓區買的Ruby Hill豪宅,大屋連花園和車房約有一萬二千呎,足足比香港的上水現居大近四倍,難怪可同時容納經理人陳善之和兩名助手都唔嫌阻碇。屋苑內設備齊全,除了屋內有私家泳池外,更有私人高爾夫球場,而且有多個club house、大型超市及便利店。近年愛上飲紅酒的Leon,更可在豪宅旁的紅酒莊嘆靚紅酒。記者連日來在豪宅外守候,都不見二人蹤影,相信二人寧願靜靜地在屋苑內過二人世界,都不想四圍去被途人眼望望。接近農曆新年, Gaile一家亦準備過年。記者發現其後父趁年廿八(21日)洗邋遢,先收起之前掛在屋外的聖誕裝飾,更替家中多部私家車洗白白,其母則接下友人代買的大量蘿蔔,估計在屋內整蘿蔔糕。由於今年沒有年三十,眾人都提早團年。年廿九(22日)Gaile後父先到唐人超市買餸,然後返家會合家人,下午約三時一家四口出發往Gaile新屋,帶備大量食材在新屋煮團年飯。

熱情攬老公
一星期慰妻之旅話咁快結束,年初一(23日)早上,司機揸車接載老闆黎明、Gaile、Gaile女友人和黎明女助手前往三藩市機場,黎明盡顯紳士風度坐車頭,好讓女士們舒舒服服坐在後排。到達機場時,司機與女助手先下車幫手落行李,而黎明則快速從車頭走到後面乘客位,爭取時間與Gaile共處。助手辦理登機手續期間,Gaile的女友人則做司機車住Gaile和黎明在機場外兜圈。記者見Gaile不時將頭依靠在黎明膊頭上,狀甚溫馨。約十分鐘後,女助手返回上落客區接黎明,此時黎明先行落車,Gaile隨後跟上,並主動擁抱老公道別,黎明亦輕掃老婆背脊,一切盡在不言中。現場所見,着上啡色中褸的Gaile,刻意以長頸巾遮肚,身形明顯比一個月前腫脹得多,加上其瓜子尖面已走樣,面頰變得異常浮腫,孕味甚濃。回程時,本身有車牌的Gaile亦讓女友人駕車,她果然事事小心謹慎。事實上,Gaile自去年9月由陳善之陪同下出席過公開活動後,至今已沒有再接job,看似要專心安胎。

肚脹脹返港
年初二晚(24日),黎明返抵香港,見到記者起初表現愕然,聽到記者問及有關Gaile大肚的問題時無再發表金句,只面露微笑未有否認,臨上車只例牌說聲:「新年快樂!」之後便匆匆離去,座駕直駛往上水寓所。黎明返港後,Gaile卻在三藩市染上重感冒,雖然有媽咪照顧,但自黎明不在身邊後,Gaile又開始撒嬌發脾氣,原本打算在美多留幾個月,不過最後嚷着要返香港。Gaile事在必行,馬上就將機票改到1月30日起程返港,似乎急急返港搵黎明呢粒靈丹醫病。本周二晚(31日)到港的Gaile,坐足15小時飛機,一出閘本來毫無表情,當見到有記者前來採訪即面露笑容,並向記者說:「新年快樂。」穿上鬆身格仔恤衫的她,腹部位置的衫鈕幾乎扣唔埋,明顯肚凸凸。記:記者 樂:樂基兒記:點解突然返香港?唔舒服?樂:我病咗,感冒!記:有BB要小心喎!樂:多謝。記:其實依家你有咗幾多個月?不如講少少。樂:我唔方便講。不如你問我公司同事!(Gaile回答時除不斷甜笑外,雙手更不自覺遮肚。)記:係咪有BB所以肥咗好多?樂:可能新年食多咗嘢。我病咗無乜聲,下次話你知啦!身旁保鑣亦上前擋駕,說她因重感冒而開唔到聲,着記者先讓她返家休息。其實今時今日咩都興公開,到底係老公黎明下令唔准講,定Gaile真係病到講不出聲?

索妹現身
Gaile兩位細妹連日孖咇外出,望真啲,兩位千金身形、髮型都差唔多,而且都屬樣子甜美類型,絕對可以學家姐做模特兒。

新居過二人世界
黎明大部分時間留在新居Ruby Hill陪老婆。價值4千萬的新居佔地過萬呎,有六間套房,雖然有經理人、司機同女助手作客,但地方咁大應該無阻佢哋二人世界。

同遊紅酒莊
黎明的Ruby Hill新居有直接通道前往Casa Real Ruby Hill Winery(右)。據知黎明與Gaile曾把臂同遊紅酒莊,更在莊內非常有氣氛的餐廳(下)用膳。 ####

 
三藩市直擊 深情擁抱黎明下車後,Gaile接着下車,更主動張開雙手要同老公攬攬,呢個場面真係好sweet。

 
年初一(1月23日)吸煙向外噴

 
上周一(年初一),在美逗留了一星期的黎明抵達三藩市機場準備返港,與Gaile留在車廂等候時,煙癮甚大的黎明點煙後把手遞出窗外,每吸一口都用力呼出車外,避免煙圈噴向Gaile。

 
難捨難離黎明與Gaile緊緊相擁咗10秒左右,臨別前咁依依不捨,足見兩人結婚四年,感情有增無減。


包包面


虎背熊腰臨別溫馨完,黎明輕扶Gaile上車。一轉身,見到有咗三個幾月嘅Gaile包包面現形(圈),加上腰圓巨躉,仲大隻過黎明,十足一副孕婦身形。


1月16日經理人同行下午1時許,黎明的經理人陳善之與女助手首先出現香港機場,刻意與黎明前後腳入閘赴美。


fans送機半小時後黎明與男司機終於現身,由十幾位歌迷護航下入閘。


偷笑默認做龍爸年初二晚(24日),黎明抵港後未肯開口回應Gaile在三藩市安胎一事,但聽到記者恭喜他即將添龍B,他邊偷笑邊說:「新年快樂!」


1月31日樂基兒病住返港本周二(31日),Gaile由三藩市返港,黎明專登聘請照顧老婆的男保鑣奉命接機。他見老闆娘現身,即奔跑上去幫手推行李。見在場有眾多記者,Gaile不時用手遮肚。


甜笑護肚本刊記者與Gaile做獨家訪問時,問她懷孕幾多個月,她不自覺以手護肚,甜笑說:「我唔方便講!下次話你知!」咁講,大家明啦!


狂問龍B 新年期間機場有大批記者守候,見到Gaile,記者們的問題都離不開龍B,而見慣大場面的Gaile亦表現淡定說:「呢啲傳聞都聽到慣晒。」


最後行騷一心要為黎家開枝散葉的Gaile,對上一次出騷已經是去年9月,經理人陳善之亦深明黎生意思,已經很久無幫Gaile接job。


年廿八阿媽整糕女友人拎住大量蘿蔔到Gaile媽咪屋企,其母則出來收貨,相信其母當日在家整定蘿蔔糕作團年之用。


後父拆燈飾農曆新年前,Gaile後父還親自拆掉屋外的燈飾,見佢擒高擒低咁拆燈飾,都幾牙煙!


年廿九後父買餸團年年廿九下午約一時,Gaile後父到唐人超市買餸,仲買到一袋二袋,當中包括唔少新鮮蔬菜。


新屋食團年飯下午約四時,Gaile後父駕車載住一家四口到達Gaile新屋食團年飯,晚上九點幾至盡興返家。


大妹


二妹










 

arrow
arrow
    全站熱搜

    litalife 發表在 痞客邦 留言(0) 人氣()