文詠珊 7年之癢俾仔飛　Janice Man 轉性擒女副導 Face週刊 244期 @ 818 娛樂八掛大放送★

「模Art」文詠珊（JM）早前自爆同拍拖7年嘅有米男友李冠峰甩拖，雖然二人青梅竹馬識於微時，依然過唔到七年之癢。
回復單身，盛傳女神撻着陳冠希及李治廷等單身型男，但最後都係冇下文。
忽然單身寂寞難耐，本刊發現JM最近竟然轉性黐女玩。
上週四（19日）本刊便目擊JM與一名外形man爆的紅髮女歎下午茶，其間兩人不斷貼頭玩埋，JM更出手掃對方胸部，行為大膽！本刊更得悉紅髮女原來係電影行出名的女副導，JM拍《大追捕》時與她混熟。
經歷分手之苦，23歲女想試新嘢都唔奇喎！

向來低調唔講感情事的Janice Man，去年尾出席活動時一反常態，忽然向記者自爆同拍拖7年的男友分手，「我哋已分開咗一段時間，我哋唔係小朋友，經過冷靜期、諗過之後，都係覺得需要分開！」

出手拍胸
失戀最需要有人陪。上週四（19日）下午，本刊發現JM同一男一女友人現身中環ifc，三人先去戲院睇戲，再行幾步去商場內的泰國餐廳「Greyhound」食tea。全程與JM排排坐的女友人，染了一頭潮爆紅短髮，打扮中性，而且明顯同JM極之投契，反而JM對同行高大男似乎唔太熟絡，只間中傾幾句敷衍了事。食tea期間，JM同紅髮妹雞啄唔斷，身為明星亦唔介意分享電話中的私相簿，食到一半，兩女愈黐愈埋，不時攬頭攬頸自拍，JM更突然伸手輕掂紅髮妹胸部，但對方冇縮開之餘，仲「挨」低互玩。

微博爆性向
Nikki的微博簡介寫了《木蘭辭》其中幾句：「雄兔腳撲朔，雌兔眼迷離；兩兔傍地走，安能辨我是雄雌？」唔通想暗示自己雌雄同體？

猛料副導
跟JM黐埋的劉兆舒（Nikki）雖然只係副導，但來頭唔小，於美國波士頓著名傳播學院Emerson College畢業，連執導《廿二世紀殺人網絡》的華斯基兄弟及美國名嘴Jay Leno亦是該校畢業生。除了參與荷里活製作，劉又拍過《得閒炒飯》、《全城熱戀》等港產片，無論香港或外國都識唔少台前幕後。對於有心攻影壇的JM，梗要碼實Nikki先有着數，不過喺香港做副導其實連聯絡同斟茶遞水都要做埋，絕對唔係導演第二把交椅咁風光！

拍戲黐埋
除了不斷撩玩，受盡情傷的JM又化悲憤為食量，叫到成枱食物。下午茶食足兩個鐘，暴食JM不顧儀態一隻隻雞翼塞入口，身邊友人見女神發狂，寧願捱餓都唔敢搶食。食飽行出門口見到記者，全程跟兩女冇乜兩句嘅男友人第一時間彈開，反而紅髮妹繼續繑實JM手臂陪上鏡，對女神「不離不棄」；而JM亦隱晦表示，「我哋係工作上嘅朋友。」據知JM與紅髮妹確實是去年中拍《大追捕》時認識，紅髮妹全名劉兆舒（Nikki），約31歲，任職電影副導演十多年，曾參與《蝙蝠俠——黑夜之神》和《世紀戰疫》等西片拍攝，在行內頗有名氣，更係名導陳果徒弟。

攬頭攬頸
自從簽了黎明旗下，「模Art」不斷增值自己，除做番老本行行騷，又積極接戲，上年更有機會孖住任達華及張家輝拍警匪片《大追捕》。據知身為該片副導的劉兆舒，與飾演張家輝女友兼女兒的JM一拍即合。知情人士透露：「Nikki拍咗好多年戲，同好多導演同演員都好熟，同埋佢本身好潮，佢媽咪又係做時裝，對fashion好有研究，所以同JM咪好啱傾囉！加上Nikki份人好爽好男仔頭、好識照顧人，兩個成日喺片場傾到攬頭攬頸，收咗工又會一齊行街食飯，好少副導同星玩到好似佢哋咁埋！」兩個女仔玩得咁埋，上週六本刊致電Nikki，她即緊張澄清與JM關係，「我哋係普通朋友，因為我之前去拍戲走咗（離開香港）好耐，所以約出嚟見吓啫！」普通朋友已經咁熱情，再發展仲得了！

有米舊愛暴瘦變煎pang

唔怕JM變Les
F : 《FACE》峰 : JM舊愛 F : 你飛左JM，攪到佢最近同女仔玩，轉性變les ? 峰 : 應該唔會嘅！佢都有男仔朋友friend，係就係無咁多 ! 放心啦，唔會嘅（les），佢咁多男仔追! F : 即係以前拍拖都有好多男仔追佢 ? 峰 : 咁就無 ! （有無再搵佢 ?）無，呢排無聯絡 !

狠撇女友，阿峰去年12月被影到拖新女遊旺角，又攬又繑。上週五（20日）阿峰一個人留在自家時裝店打點。極速修身兼留鬚扮man後的「肥仔峰」，望落同陳展鵬更有8成似！

狂煲冇米粥
去年尾被仔撇，JM之後分別同李治廷、劉浩龍及陳冠希傳過緋聞，不過個個齋講冇下文，好在JM得23歲大把青春，有排都未變剩女！

李治廷唔嗒糖
同屬Amusic旗下、又合作拍電影《為你鍾情》，有傳JM對筍盤李治廷嗒糖，兩人承認有默契，但李始終冇對JM作進一步行動，後來更冇晒聲氣，似宣傳多過拍拖。

劉浩龍當係兄弟
被傳媒影到孖住去中環食麻辣火鍋，事後更在微博自稱「麻辣戰友」，雖然有共同興趣，但JM堅持與師兄係好兄弟，冇可能發展。

陳冠希劃清界線
陳冠希被指在分享網站Viddy勁like女神的短片，曾經係Edison粉絲的JM極速否認，講到明「我唔識佢，亦唔打算識佢！」 ####

19/1 High到反眼
Janice Man食食吓都要同紅髮密友Nikki影相，兩人面貼面非常親密，Nikki瞇眼嘟嘴，JM更high到反眼！