去過LA、紐約同巴黎、去過東京、台北同上海、再掃埋泰國同新加坡，幾乎征服全世界嘅韓國女子天團「少女時代」，上週六（14日）終於大軍壓境，殺到香港開騷。
去到邊都化行妝晒長腳，靚到「dum」一聲嘅「少時」見得多，但本刊卻獨家取得一批少時女神來港機艙偷拍相，人氣王允兒深喉鯨吞生菜包、長腳秀英擘大口瞓到走晒樣，仲有勁靚女嘅Jessica竟然一上機便戙腳撐住電視芒，9位女神更遲大到令飛機延遲起飛，好彩9女勁專業，一落機即綵排，向港迷交足功課。
早俘虜日本仔、紅埋去美加，韓國天團之中嘅天團「少女時代」終於殺到嚟香港舉行演唱會。週日晚在機場博覽館開騷，少時週六（14日）晚機才到港，深夜11點到埗，第一時間先去演唱會現場綵排，至半夜先有得返酒店休息。
全機呆等
臨近年尾，紅遍全球嘅少時忙住周圍攞獎兼開騷，來港前一日至啱啱喺大阪出席完「第26屆韓國金唱片大獎」。可能因為時間緊迫，少時於首爾登機時竟比起飛時間遲到5分鐘才登機。上週六（14日），少時九名成員及工作人員訂了韓亞航空OZ723號班機由首爾飛港。原定韓國時間晚上7:50起飛的班機，9位女主角卻直至地勤廣播最後召集，過了原定起飛時間，將近8點，才浩浩蕩蕩衝上機艙，累全機乘客呆等。
揀friend坐
少時九女加上一個女性工作人員，乘搭韓亞OZ723空中巴士，坐滿窗邊整排商務位，其餘工作人員坐經濟位，座位分配據悉係少時自己揀，即係一齊坐嗰兩個特別friend囉。
接機fans多 AKB 3倍
本地迷Natalie
我鍾意咗少女時代兩年啦，佢哋唱歌、跳舞、仲有長腳我都覺得正到無倫，尤其係Jessica添！
內地fans馬先生
我是專程從昆明來香港看少女時代演唱會的，喜歡她們好久終於有這個機會，當然不會錯過。
15/1開騷舞齊
除咗〈Genie〉，開場medley仲包括最新單曲〈MR. TAXI〉。演唱會中途，少時忽然用廣東話講：「我哋係少女時代，I love Hong Kong。」全場1萬6千粉絲high爆！
戙腳踩「芒」
全體乘客無辜陪等，少時施施然各自入座，有人睇書有人玩iPad，有人瞓覺有人練歌。飛機呢頭起飛，嗰頭秀英就倒頭大睡，更瞓到擘大口。話晒都係空中巴士商務艙，空間算闊落，不過對出名腳長嘅少時嚟講一樣唔夠用。被日本fans封為「惡魔」嘅Jessica最隨意豪邁，全程撐住長腿上前座私人電視，頂住前座嘅侑俐，Jessica更大腳一伸撐到着緊嘅電視熄埋機。至於fans最多、外勞最密嘅吸金王允兒就斯文得多，不過擺明餓咗好耐胃口極佳，允兒保持清醒等派飛機餐。終於開飯，允兒極速包起個牛肉泡菜生菜卷一啖過送入口，一份飛機餐連埋白飯甜品唔使十分鐘就掃清。
早起練靚股
三日兩夜香港之行行程極緊密，據知週六晚將近十一點才到港，少時連近在咫尺嘅酒店都過門不入，第一時間經秘密通道入去博覽館嘅表演場地綵排，至凌晨三點先有得返回天際萬豪酒店休息。少時成員雖然喺飛機上狂放，但對本港粉絲肯定交足功課。除綵排至半夜，出名勤力，每日都會晨早6點起身跑步的侑利於週日開騷當日亦一早起身，8點半便由兩名大隻保鑣護駕下，現身健身房跑步，為keep住身形瞓得4粒鐘都冇所謂。雖然機艙上又戙腳、做gym又趷籮，一樣無礙少時在港的瘋狂程度，週日晚最貴票價$1,680，場內一樣爆滿，短短3日反轉香港。
健身房偷拍
百人同行排場勁
少女時代到海外開騷例牌大陣仗。今次訪港傳聞有1百名工作人員同行，而飲食方面亦要根據特定健美餐單，食物由韓國空運抵港，飲品數目亦達1萬支，絕對誇張。
吸金少女
共有九名成員嘅少女時代，出道四年紅足四年，咪睇佢哋平均年齡得21歲，2011年度影音產品全球收入高達4億港幣，吸金能力冠絕全韓娛樂圈。至於分拆上市，淨計拍劇及廣告，就允兒最叻！
第1位：允兒
除咗平分嘅集體廣告同演唱會外，允兒個人出任六個品牌代言人，又做咗3部韓劇女主角，包括同張根碩合拍、賣埠價破紀錄嘅電視劇《愛情雨》。單計允兒單飛拍劇及廣告酬勞便賺近2千萬港元。
第2位：徐賢
徐賢雖然冇拍劇，不過形象健康乖巧大受廣告商歡迎，去年獨立代言兩項化妝產品，賺近300萬港元酬勞。
第3位：泰妍
性格開朗健談，又係少時隊長，泰妍比其他成員做多唔少主持工作，去年亦主演音樂劇《太陽之歌》，收入達200萬港元。
少時潮玩Kakao Talk
港台星呢兩年興玩社交網絡，大熱嘅微博連荷里活巨星同日本AV天后都注冊做用戶，以求打入中國市場。少女時代唔係唔關心中國市場，只不過跟師兄Super Junior齊齊身為韓版WhatsApp「Kakao Talk」嘅代言人，少時唔過得檔啫。不過最正亦都係因為佢哋係代言人，Kakao特別優待關注咗少時同SJ嘅fans，從此以後少時upload相片、短片同最新動態都會好似friend一樣通知埋你，仲係free app嚟，唔怪得愈嚟愈多本地韓迷下載啦。 ####
Jessica隊熄芒
三藩市回流嘅鬼妹仔Jessica最豪放，一上機就伸直雙腳撐上前座椅背，連個電視「芒」都似俾佢整熄。
允兒大啖食
似係餓咗成日嘅允兒上機唔捨得瞓等食，率先極速包好菜包再成個塞入口，估唔到允兒個口都幾大。
秀英「O」嘴瞓
秀英就萬大事瞓咗先，瞓瞓吓仲擘大口，睇嚟佢真係好攰吓。
孝淵狂傾偈
上機即瞓，瞓咗一陣就醒，秀英叉完電精神番，有番氣力同隔籬位嘅孝淵吹吓水。
泰妍Sunny煲小說
坐商務位第1行嘅Sunny唔瞓睇英文小說，泰妍就塞住耳仔練歌。少時原來唔只得個樣，仲有內涵。
侑利Tiffany眼光光
Tiffany上機後玩iPad催眠，不過愈催愈精神，全程眼光光，隔籬嘅侑利就瞓足全程。
徐賢醒目瞓
乖乖女徐賢出名生活健康，上機後又係話瞓就瞓，仲識戴口罩，醒過秀英多多聲。
今年元旦，人氣爆燈嘅少時入選紅白，出場一part收視仲高過AKB48，勁威！
天團少女時代首次齊將訪港，吸引唔少本地甚至內地fans專程飛嚟支持，週六晚上接機嘅fans超過300人，多過同期訪港嘅AKB48主將板野友美3倍。
粉絲團少女時代成員多，fans又多，所以連專業護星「實Q」都請夠60大軍，好墟冚。
同車離開嘅允兒（左）同孝淵見到港迷瘋狂亦都表現興奮，狂用手機影相留念。
冇心機前一晚在機上戙高腳豪放瞓嘅Jessica雖然大讚香港美食，不過個樣就悶悶不樂。
制服現身週日（15日）下午4點，少女時代齊齊亮相見記者。九名成員讚香港歌迷熱情，嚟過香港旅行嘅Jessica同允兒（左四、五）就讚星光大道夜景美麗，仲話茶樓點心好好食喎。
開騷唱到第二首歌，隊長泰妍唔小心㦸到，允兒即刻郁手扶一扶，好在冇仆低。
少時唔只喺韓國連續三年成銷量冠軍，香港HMV亦有三張專輯登上十大日本流行榜，至於信和賣碟指數，就同Super Junior並列冠軍。
趷皮膚黑黑、出名係運動健將嘅侑利向來風雨不改朝朝六點晨跑，雖然週六晚綵排完都成凌晨四點先返到酒店，第二朝八點半冇化妝嘅佢已經現身gym房跑步，跑跑吓趷籮伸展。
拉雖然睡眠不足，侑利都冇偷懶，壓腿又拉筋，玩跑步機前做足熱身運動。
少時於首爾機場登機時，Tiffany身邊亦有韓籍保安陪同上機。
留言列表
